EX90 është përgjigja elektrike e Volvo për XC90 me motor me djegie të brendshme, duke ofruar një transport praktik në një dizajn të pastër dhe me shumë siguri dhe teknologji në bord, dhe të gjitha këto përmirësime mund t’i gjeni pranë showroom-it të Mektrin Motors.
Kjo makinë është e para nga kompania e cila përdor të njëjtën platformë si Polestar 3, dhe vjen me të gjitha përmirësimet në sistemet e sigurisë pasive si jastëkët e ajrit dhe strukturat e përplasjeve, duke evoluar vazhdimisht dizajnin ndërsa mëson më shumë rreth aksidenteve me makina (ai ka akses në të dhënat nga 50,000 aksidente për të ndihmuar në këtë front). Gjithashtu i pranishëm është dhe një sensor i ri lidar në tavanin e makinës e cila mund të regjistrojë lëvizjen e objekteve deri në 250 metra larg për të qenë gjithmonë në gatishmëri.
Dy nivele fuqie janë të disponueshme në momentin e lëshimit – një Twin Motor me 402 kuaj fuqi dhe Twin Motor Performance me 510 kuaj fuqi. Versioni Twin Motor Performance arrin të bëjë 0-100 km/h në vetëm 4,9 sekonda, ndërkohë versioni tjetër kërkon një sekondë më shumë. Shpejtësia maksimale e të dyja makinave është e kufizuar deri në 180 km/h, siç është rasti me çdo Volvo. Dallimi i vetëm vizual midis të dyve është një simbol i vogël “Performance” në pjesën e pasme.
Të gjithë EX90-të aktualë vijnë me një bateri të madhe 111 kWh (kapaciteti i përdorshëm 107 kWh), një nga më të mëdhenjtë e çdo EV të shitur në Evropë, dhe për këtë arsye është një makinë mjaft e rëndë që peshon 2,787 kg. Volvo pretendon se të dy versionet kanë një autonomi prej 600 km, si dhe është e pajisur me karikim të shpejtë 250 kW, që do të thotë se edhe një bateri e asaj madhësie mund të karikojë nga 10 në 80% në 30 minuta.
Pjesa e brendshme e makinës ruan pamjen klasike të automjeteve Volvo por vjen me përmirësime vizuale si dhe avancimet më të fundit teknologjike. Në të gjithë kabinën janë përdorur mbi 50 kg materiale të ricikluara për të qenë sa më miqësorë me mjedisin.
Sistemi i shkëlqyer i audios me 25 altoparlantë i Bowers & Wilkins është standard, siç janë sediljet e përparme masazhuese, sediljet e pasme të palosshme të kontrolluara me butona dhe një sërë shërbimesh sigurie të jashtëzakonshme.
Lexo edhe:Speed Taxi: Si po ndryshon mënyra e udhëtimit me taksi në Shqipëri
Ekrani qendror është mjaft i madh dhe ka të integruar shërbimet e Google, si përshembull asistenti zanor dhe Maps të cilat funksionojnë në mënyrë të shkëlqyer. Hapësira brenda në kabinë është mjaft e bollshme dhe makina vjen me 7 sedilje, për të akomoduar çdo person në familjen tuaj.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
