Vitin e kaluar u zhvillua edicioni i parë i MatchIN i mbështetur nga SwissEP, ku morën pjesë 50 investitorë të cilët investuan mbi 3,5 milionë euro në startup-e në fazat e hershme, në Ballkanin Perëndimor. Këtë vit organizatorët kanë mbledhur kompanitë teknologjike më premtuese nga Maqedonia e Veriut dhe Ballkani Perëndimor dhe gjithë elementë t e nevojshëm për t’i zhvilluar këto startupe.
Organizatorët shprehen, “E kuptojmë rëndësinë e aksesit në kapital dhe aksesit në treg për startup-et dhe duam që ata të mësojnë nga lehtësuesit dhe të gjithë burimet e disponueshme. Për këtë kemi përgatitur një grup themeluesish, korporatash dhe investitorësh nga e gjithë Europa, të interesuar për të nxitur teknologjinë dhe startup-et rajonale duke u bërë pjesë e historive të suksesit dhe të së ardhmes së këtij rajoni.
Kësaj radhe është zgjedhur Ohri dhe hapësira e Hotel Metropol për të promovuar partneritetin, për të shfaqur kompanitë që patën ndikim në rajon dhe për të mundësuar sa më shumë ndërveprim ndërmjet pjesëmarrësve në një konfigurim offline me mundësi rrjetëzimi.
Eventi do të mbahet në dy ditë, 19-20 qershor, eventet e pasdites dhe mbrëmjes së datës 19 i dedikohen investitorëve. Në ditën e dytë të eventit, zhvillohen disa panele me shumë interes për eksosistemin e donatorëve dhe institucioneve mbështetëse, ku kryefjalë janë startupet.
Për më shumë informacion klikoni këtu.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
