Më 27 tetor 2023, 40+ gra sipërmarrëse nga e gjithë Shqipëria do të mblidhen për të rritur kapacitetet, shkëmbyer përvojat dhe krijuar lidhje të reja!
Kompani private, nënshkruese të Parimeve të Fuqizimit të Grave (WEPs), investitorë dhe profesionistë të fushave të ndryshme, do të jenë prezentë për të ndarë përvojat dhe njohuritë e tyre, për të eksploruar mundësi bashkëpunimi me gratë sipërmarrëse dhe për të kontribuar në përmirësimin e pjesëmarrjes së grave në ekonominë e vendit!
Do të ketë gjithashtu një panel diskutimi me tematikë: Transformimi Digjital dhe E- commerce nga ora 12:00 deri në 13:00.
Ky sesion do të jetë një mundësi për të marrë pjesë në një dialog me ekspertë, mbi transformimin digjital si një mjet fuqizues për SME-të; përdorimin e mundësive për ngritjen e aftësive digjitale; tregtinë digjitale si një kanal shitjesh që ndihmon bizneset të rrisin shitjet dhe të përmirësojnë imazhin digjital; potencialin e transformimit digjital; fuqinë e marketingut digjital dhe influencuesve digjitalë si një profesion i ri.
Kontribuojnë në panel:
Moderator Z. Dritan Mezini, Kryetar i Shoqatës ICT, Ekspert i Transformimit Digjital, Themelues i duapune.com.
Panelist Z. Valer Pinderi, President i Shoqatës Shqiptare për E-commerce.
Panelist Z. Arjan Ymeri, President i Aleancës së Ballkanit Perëndimor për StartUp-et, CEO – Oficina.
Panelist Znj. Dalina Buzi, Sipërmarrëse, Anabel sh.p.k.
Panelist Znj. Shqipe Berisha, Qendra TUMO
Aktiviteti është pjesë e Women Entrepreneurship EXPO 2023 – një organizim rajonal i zyrës rajonale të UN Women që do të organizohet në datat 16-17 Nëntor!
Aktiviteti mbështetet nga UN Women, në partneritet me BERZH-in @ebrd_official në kuadër të Programit për Gratë në Biznes në Ballkanin Perëndimor, financuar nga qeveria suedeze @swedeninalbania.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
