Një rekord të ri ka shënuar zhvlerësimi i euros ndaj lekut gjatë të mërkurës. Euro zvriti në 104,5 lekë, niveli më i ulët i euros, që kur monedha europiane ka hyrë në treg.
Në rënie është edhe dollari amerikan, i cili u këmbye me 96,20 lekë, me zvlerësim rreth 20 lekë në një vit.
Në pikat e këmbimit valuator, një nga arësyet cilësohet oferta e lartë e euros, edhe për shkak të rritjes së fluksit turistik, megjithatë duhet theksuar se gjatë këtij viti euro ka qenë vazhdimisht e dobët dhe në rënie.
Eksportuesit, të cilët janë prekur ndjeshëm negativisht nga ky zhvillim, kanë pasur takime me Guvernatorin e Shqipërisë dhe Ministren e Financave.
Një nga masat e premtuara nga qeveria ishte rimbursimi i shpejtë I TVSH-së për këto kompani.
Lexo: 4 hapa për t’u bërë të pasur
Gjatë konferencës së fundit për shtyp, ministrja e Financave, Delina Ibrahimaj, theksoi se rritja e investimet të huaja direkte, remitancat dhe turizmi janë faktorët kryesorë që kanë ndikuar në ecurinë e kursit të këmbimit.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
