Euro bie poshtë Dollarit - Business Magazine Albania

Euro bie poshtë Dollarit

Euro ka rënë poshtë dollarit për herë të parë në 20 vite, ndërsa lufta në Ukrainë vijon ta dëmtojë monedhën.

Një euro është blerë me 0.998 dollarë në tregjet e huaja valutore, me rënie 0.4%, nga dita e djeshme kur ishin në barazi.

Frika për një recesion në Europë sa vjen e shtohet me frikën se Rusia mund të ndërpresë gazin për kontinentin e vjetër, ndërsa Banka Qëndrore Evropiane po vonohet të rrisë normat e interesit.

Përveç këtyre arsyeve, investitorët priren të mbajnë më shumë dollarë në kohë krize, e konsideruar si një parajsë e sigurt.

Ky dobësim i euros do t’i bëjë më të shtrenjta importet për eurozonën, sidomos për naftën e papërpunuar.

Në këto kushte inflacioni mund të shkojë edhe më lartë në Europë, ndërsa mesatarja në qershor arriti në 8.6%.

Presidentja e BQE, Christine Lagarde u shpreh se në korrik do të ketë rritje të normës së interesit pasuar nga të tjera në shtator. Momentalisht normat janë negative, si masë për të mbështetur ekonominë pas recesionit të shkaktuar nga pandemia. Por, kriza në Ukrainë do ta kthejë mbrapsht politikën monetare ndërsa BQE  kërkon ta kthejë inflacionin në nivelin 2% brenda 2024-ës.

Monedha e përbashkët europiane ka qenë më e vlefshme se dollari për pjesën më të madhe të historisë së saj. Ajo mbeti prapa dollarit vetëm në vitet e para të lançimit të saj në treg në 1999, por hera e fundit që u tregtua nën të ishte dhjetori 2002 – më pak se një vit pasi kartëmonedhat dhe monedhat euro u prezantuan për herë të parë.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0