Euro bie në nivelin më të ulët në 20 vite, dollari forcohet më tej - Business Magazine Albania

Euro bie në nivelin më të ulët në 20 vite, dollari forcohet më tej

Aksionet aziatike sot kanë rënë për të gjashtën seancë radhazi, pas rritjes së re të çmimeve të energjisë elektrike në Evropë. Rritja e çmimeve po nxit frikën e recesionit, ndërsa monedha evropiane – euro, ka rënë në nivelin më të ulët në 20 vitet e fundit.

Çmimet e gazit në Bashkimin Evropian janë rritur me 13 për qind brenda natës në nivele të reja rekord, pasi u dyfishuan brenda një muaji dhe janë rritur 14 herë më shumë se mesatarja gjatë dekadës së fundit.

Analistët e bankës amerikane Siti paralajmëruan se inflacioni në Mbretërinë e Bashkuar mund të tejkalojë 18 për qind nëse nuk kufizohen çmimet e energjisë, që është nëntë herë më i lartë se objektivi i Bankës së Anglisë. Inflacioni i çmimeve të konsumit për herë të fundit e ka arritur këtë nivel në vitin 1976.

Lexo edhe: Eurozona vazhdon rritjen ekonomike në tremujorin e dytë, punësimi rritet gjithashtu

Analistët konsiderojnë se “situata e vështirë energjetike” sugjeron se kulmi i inflacionit nuk është arritur ende, me një mundësi të madhe që inflacioni të mbetet i lartë për disa kohë nëse nuk ka reagim nga bankat qendrore.

Euro ka arritur dje nivelin më të ulët ndaj dollarit në njëzet vitet e fundit dhe ka rënë nën nivelin e barazisë. Një euro kushtonte 0,9937 dollarë.

Mbyllja e paralajmëruar e mirëmbajtjes së gazsjellësit “Nordstream” 1 nga 31 gushti deri më 2 shtator e ka rritur ndjeshëm frikën nga mungesat dhe ka sjellë rritje të madhe të çmimit të gazit në Evropë.

 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0