Etiopia mbjell mbi 350 milionë pemë në 12 orë - Business Magazine Albania

Etiopia mbjell mbi 350 milionë pemë në 12 orë


Etiopia mbolli mbi 350 milionë pemë në 12 orë. Ky është një rekord botëror dhe vjen si pjesë e fushatës së ripyllëzimit “Trashëgimia e gjelbër”. Nisma është marrë nga kryeministri i vendit Abiy Ahmed.

Në të gjithë vendin, miliona banorë të Etiopisë ishin të ftuar të merrnin pjesë në këtë sfidë dhe brenda gjashtë orëve të para, Ahmed tha në Twitter se ishin mbjellë rreth 150 milionë pemë. “Ne jemi në gjysmën e qëllimit tonë” tha ai ndërsa inkurajoi për një vrull të ri në orët e mbetura.

Pas 12 orësh kryeministri njoftoi përsëri në Twitter se Etiopia jo vetëm që përmbushi “qëllimin e saj kolektiv GreenLegacy”, por e tejkaloi atë.

Në vitin 2017, India vendosi rekordin botëror, kur rreth 1.5 milionë vullnetarë mbollën 66 milionë në 12 orë.

Për gjithë sezonin synimi i Etiopisë është edhe më i madh. Fushata kombëtare për mbjelljen e pemëve synon mbjelljen e 4 miliardë pemëve gjatë “sezonit të shirave”,  ​​midis majit dhe tetorit.

Etiopia po vuan nga efektet e krizës klimatike, me dobësimin e tokës, erozionin, shpyllëzimin, thatësirat e përsëritura dhe përmbytjet. 80% e popullsisë së Etiopisë varet nga bujqësia si mjet jetese.

Një studim i kohëve të fundit vlerëson se rigjallërimi i pyjeve të humbura në botë mund të largojë dy të tretat e gjithë dioksidit të karbonit në atmosferë.

Studimi, i realizuar nga studiues në universitetin zviceran ETH Zyrih, llogariti që riktimi i pyjeve të degraduara në të gjithë botën mund të përthithë rreth 205 miliardë ton karbon në total. Emetimet globale të karbonit janë rreth 10 miliardë ton në vit.

 

CNN

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #26 - Korrik 2021

Ditët e nxehta të kësaj vere mund t’i freskoni me artikujt e revistës 26 të Businessmag. Një numër i pasur me artikuj rreth sipërmarrjeve në fusha të ndryshme, por edhe profileve interesante të sipërmarrësve. Që në kopertinë vini re dy djem që po çojnë përpara sipërmarrjen e ngirur nga prindërit. Një model për t’u ndjekur nga shumë sipërmarrje të tjera. Idetë e reja, nismat e reja në biznes sot janë më të rëndësishme se kurrë për të mundësuar suksesin.
Zhvillimet në disa tregje mund t’i gjeni në brendësi të revistës. Të tilla janë tregjet e real estate dhe ai i shërbimit postar.

Zhvillimet në fushën e teknologjisë këtë vit vijnë me 10 gjetjet më të rëndësishme teknologjike, të cilat janë orientuar shumë drejt zhvillimeve shëndetore.

Diaspora vjen me profilin e një sipërmarrëseje në fushën e stilimit dhe qepjes së veshjeve. Ornela ka arritur të hapë tre dyqane shërbimi, ku përshtaten brandet më të mëdha sipas nevojave të klientit.

Edukimi është një temë e prekur nga ne në këtë numër, pasi sfidat e edukimit në këtë vit pandemik kanë qenë të mëdha. Sjellim dy akademi me zhvillimet e tyre dhe qasjen ndaj edukimit gjatë pandemisë, si dhe mundësinë e edukimit të fëmijëve në format më të mira të mundshme.

Në brendë…

Shiko më shumë
Na ndiqni në rrjetet sociale
0