Klima e biznesit në Shqipëri vlerësohet e mirë nga sipërmarrësit gjermanë. Shoqata Gjermane e Industrisë dhe Tregtisë në Shqipëri (DIHA) e bëri të ditur këtë përmes anketës vjetore për klimën e biznesit dhe investimeve në Shqipëri.
Anketa e zhvilluar në fillim të këtij viti, tregon se shumica e sipërmarrësve gjermanë në vend e vlerësojnë pozitivisht situatën ekonomike aktuale, krahasuar me një vit më parë.
Për më tepër, pjesa më e madhe e kompanive vlerësuan pritshmëritë rreth situatës ekonomike brenda sektorit “më mirë” krahasuar me një vit më parë.
Rreth dy të tretat e të anketuarve vlerësojnë “mirë” ose “kënaqshëm” situatën aktuale ekonomike në Shqipëri.
Krahasuar me një vit më parë, lidhur me pritshmëritë brenda sektorit, mbi 40% e të anketuarve presin përmirësim të situatës ekonomike në të ardhmen.
Sipërmarrësit kanë dhënë vlerësime pozitive edhe për klimën në tërheqjen e investimeve. Nga 20 faktorë të vlerësuar, tre të katërtat janë pozitive. Sipas Anektës së Dhomës Gjermane të Tregtisë kanë marrë vlerësime më të dobëta nga një vit më parë: kosto e punës, sistemi dhe administrata tatimore, administrata publike, disiplina në pagesa dhe barra tatimore.
Edhe pse theksojnë krahun e punës ende të pakualifikuar, rreth gjysma e investitorë lajmërojnë se kanë në plan të rrisin investimet.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
