Nëse një asteroid do të godiste Tokën, kjo do të shkaktonte një katastrofë globale. Agjencia Europiane e Hapësirës (ESA) dhe NASA kanë bashkuar forcat së fundmi si pjesë e një projekti të përbashkët për të eksploruar se si mund të devijohet asteroidi, nëse drejtohet drejt planetit tonë. Të dy kompanitë kanë nënshkruar një kontratë prej 129.4 milion euro për bashkëpunim me misionin Hera të planifikuar për në vitin 2024.
Hera do të veprojë së bashku me Testin e Dyfishuar të Asteroideve të NASA-s, ose DART – i cili pritet të nisë në qershor 2021. Italia është midis shtatë vendet partnere të misionit, së bashku me Belgjikën, Luksemburgun, Portugalinë, Republikën Çeke, Rumaninë dhe Spanjën. Marrëveshja për misionin Hera është “jashtëzakonisht domethënëse sepse është kurorëzimi i idesë së propozuar shumë vite më pare nga italiani Andrea Milani, një nga ekspertët kryesorë ndërkombëtarë të asteroideve, i cili ndërroi jetë në 2018 “ – tha Franco Ongaro, drejtori i teknologjisë, inxhinierisë dhe cilësisë së ESA dhe drejtuesi i qendrës për shkencës dhe teknologjisë së ESA (Estec).
LEXO: NASA gjen mënyrën si të mposhtim koronavirusin, ja pajisja që na vjen në ndihmë
Kontrata u nënshkrua në Gjermani nga Ongaro, kontraktori i parë i konsorciumit Hera. Me nënshkrimin e sotëm, Europa është e gatshme të bashkëpunojë me NASA në një nga misionet më ambicioze hapësinore, deri më tani të imagjinuar vetëm nga trillimet shkencore.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
