Ky startup, i cili prej dy vitesh operon në tregun shqiptar, paraqet për klientin një ndërthurje të marketingut dixhital me atë online. Ky fakt, i kombinuar me teknika dhe mjete marketingu të pa perdorura më parë në Shqipëri, janë risia që ka sjellë Equinox Marketing, thotë Joni.
Lexo: Françesko Lamçe, 17 vjeçari që ka krijuar dy platforma online
Të nisësh një biznes në Shqipëri nuk është aspak e lehtë për shkak të ekonomisë së dobët dhe vështirësive që ka bisnesi. Por Joni dhe partnerët e tij këtë e kanë parë si një mundësi, pasi një nga filozofitë e Equinox në fakt është kjo, t’i japë një zgjidhje inovative problemeve, duke i parë nga një këndvështrim i ri. “Ky është edhe një nga misionet e kompanisë tonë, duke qenë se kemi në axhendë ndërtimin e një gjenerate të re biznesesh, që realizojnë vizionet e tyre, duke përdorur marketing efektiv”, thotë Joni për BusinessMag.al.
Në këto dy vite rrugëtim, ai thotë se biznesi ka gjeneruar në mënyrë pozitive, pra ka shënuar rritje. Por, ky rrugëtim ka pasur pengesa dhe vështirësi në gjërat mininale, si mungesa e statistikave për tregun apo informim i turbullt mbi marketingun. “Botëkuptimi në Shqipëri për rëndësinë e mediave sociale dhe marketingut është shumë i dobët. Nëse bisneset do të kuptonin më qartë rolin e marketingut dhe si ta integronin atë në ndërmarrjet e tyre, produktet që ofrojnë do përmirësoheshin, komunikimi me konsumatorin do ishte më efektiv dhe sigurisht konsumatori vetë do të dilte i fituar nga ky proces”, thotë ai. Mirëpo besimi që Joni dhe skuadra e tij kanë patur tek vetja dhe dëshira për të punuar fort në këtë fushë, kanë qenë mbështetësi i tyre më i madh. Dhe Equinox ja ka dalë të dominojë në treg me misionin e tij.
Lexo: WebProm, 18 vjeçari sjell platformën online për marketing dhe “vetëpunësim”
Mbështetje financiare ka marrë edhe nga Giz, të cilit Joni thekson se i është shumë mirënjohës. Brenda pesë vitesh ai synon që duke asistuar klientet e tij me marketing, të krijoj një gjeneratë biznesesh, që do rrisin standartin e vlerës që përcjellin tek konsumatori, një operacion zinxhir, i cili do të kontribuojë deri në ekonominë e vendit, pasi dihet që bisneset janë një nga motorrët e zhvillimit ekonomik.
Ndërsa për të gjithë bashkëmoshatarët e tij Joni thotë se duhet të ndryshojnë dialogun e brendshëm në kokën e tyre dhe të mos thonë se “kjo gjë nuk bëhet” ose “Shqipëria nuk të jep mundësi”, por të shtrojnë pyetjen “Si mund të bëhet kjo gjë?” dhe kjo do të ndikojë menjëherë në veprimet dhe vendimet e tyre. Ai fton bashkëmoshatarët t’i thyejnë barrierat që vendosin në mendjen e tyre, sepse me dëshirë dhe vullnet mund t’ja dalin dhe se Shqipëria t’i jep mundësitë, por thjesht duhet të kërkojnë më shumë dhe të bëjnë një hap më shumë.
Lexo: Instagram po kthehet në platformën më të madhe e-commerce
Kohët e fundit Equinox po punon mbi disa projekte jashtë fushës së marketingut dhe të gjithë që janë të interesuar mund të kontaktojnë në [email protected] Ose të kontaktojnë në 0672289409
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
