Plot tre muaj protestë! Kjo është situata aktuale në zonën e Astirit. Protestohet çdo ditë në orën 5 pasdite, për shkak të një urdhri të nxjerrë nga qeveria, me qëllim prishjen e shtëpive dhe bizneseve të tyre për t’i hapur rrugë ndërtimit të Unazës.
Qeveria në deklaratat e saj, është shprehur se banorëve do t’u mundësohet strehim në banesat sociale të shtetit, ose një bonus qeraje i financuar 50% nga bashkia dhe 50% nga qeveria. Kjo situatë ka ngjallur kundërshtime tek banorët e zonës se Astirit, të cilët shprehen herë pas here në deklarata për mediat, se do t’i mbrojnë me jetë shtëpitë e tyre.
Pas mashtrimit të zbuluar të kompanisë fituese “DH Albania”, tenderi u anulua dhe u rihap sërish nga ARRSH.
Në një deklaratë për mediat, Drejtoresha e ARRSH-së Sonila Qato ka bërë ditur se janë skualifikuar të gjitha kompanitë ofertuese nga tenderimi. Sipas saj, të gjitha kompanitë që kanë bërë ofertat e tyre për ndërtimin e këtij projekti, janë plotësisht në mospërputhje me kriteret e kërkuara nga ARSH.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
