Emiratet e Bashkuara Arabe kanë hyrë në histori, pasi kanë nisur për në hapësirë anijen e tyre “Al-Amal”, (”Shpresa”) në planetin Mars. Ky është misioni i parë ndërplanetar i ndërmarrë nga një vend arab. Sonda u lëshua me një raketë nga një port hapësinor në Tanegashima të Japonisë. Misioni i sondës është studimi i motit dhe klimës së planetit Mars. Shkencëtarët tentuan ta nisnin sondën 2 herë javën e kaluar, por u anulua për shkak të kushteve të motit. “Al-Amal” ka për të kryer një udhëtim rreth 500 milionë kilometra drejt planetit të kuq.
Lexoni: Trajtimi përmes proteinave ul numrin e pacientëve në terapi intensive
Pritet që ajo të mbërrijë atje në shkurt të vitit të ardhshëm. Ky muaj përkon me 50 vjetorin e formimit të Emirateve të Bashkuara Arabe. Sarah Al Amiri, shkencëtarja drejtuese e këtij projekti tha se ishte shumë e gëzuar për këtë ngjarje. Ajo u shpreh se kjo gjë do të ketë një impakt të jashtëzakonshëm për qytetarët e vendit të saj, të cilët do ta shohin veten njësoj si amerikanët.
Sonda e dërguar nga Emiratet e Bashkuara Arabe është një nga tre misionet për në Mars që nisen këtë muaj. Edhe Shtetet e Bashkuara të Amerikës dhe Kina janë në fazat e fundit të projekteve të tyre.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
