Ai shfaqet vite pas famës së treshes shqiptare: Arben Spahiu, Klodiana Skënderi (një dyshe dibrane kjo), e Tedi Papavrami. Ishin dikur këta emra me të cilët Shqipëria mburrej në botë, me lojën e tyre virtuoze në volinë.
Ishte një kohë kur pakkujt i shkonte ndër mend se vite më pas individë që nuk njohin as notat e krejt ordinerë, do quhen paturpësisht këngëtarë e do rrihen me njëri – tjetrin si të ishin përfaqësues bandash droge. Ndaj dhe nuk ka vend për ta njohur Elvin Hoxhën, atë që sot konsiderohet një ndër “paganinët” e botës.
Elvin Hoxha, një djalosh rreth të 20-tave është djali i muzikantit të shquar shqiptar nga Shkodra, Hajredin Hoxha, i cili është larguar nga Shqipëria në vitet ’90. Ai është gjithashtu edhe djali i një artisteje të njohur nga Ajzerbaxhani, Nermin Ganijev. Është prej vitesh “xhevahiri” shqiptar i muzikës botërore. Prej vitesh, Elvini që i vogël ka pushtuar skenat botërore me talentin e tij të veçantë. Në një konkurs ndërkombëtar që u zhvillua në Shangai të Kinës me më të mirët e më të mirëve, Elvin Hoxha është renditur në 8 muzikantët më të mëdhenj të botës.
Për të, prej vitesh flasin qarqet mediatike dhe kulturore të të gjithë botës. Elvini është thirrur edhe nga Putin në Kremlin për të dhënë koncert. Presidenti i Azerbaxhanit, Ilham Alijev e ka nderuar me shumë e shumë raste jo vetëm Elvinin por edhe familjarët e tij, duke vënë në dukje lidhjen normale të gjakut me vendin e tij. Dhe duhet thënë se familja e nënës së Elvinit është e njohur si pjesë e elitës kulturore azerbaxhanase.
Në të gjitha këto skena “Paganini shkodran” ka tronditur publikun kulturor dhe ka marrë kritika pozitive nga media kulturore. Hoxha pritet në prill të vijë në Tiranë, pasi është i ftuar që të jetë pjesë e një koncerti.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
