Elon Musk zbulon se ka sindromën Asperger - Business Magazine Albania

Elon Musk zbulon se ka sindromën Asperger

Sipërmarrësi i teknologjisë Elon Musk ka zbuluar se ka sindromën e Asperger ndërsa shfaqej në serinë e skicave komike amerikane Saturday Night Live (SNL).

Dyzet e nëntë-vjeçari u tha shikuesve se ishte “personi i parë me Asperger” që drejton programin, duke marrë brohoritje me zë të lartë nga audienca.

Njerëzit me Asperger e interpretojnë mjedisin rreth tyre ndryshe nga njerëzit e tjerë.

Mendohet se është hera e parë që Z. Musk flet për gjendjen e tij.

Shefi i teknologjisë ishte i ftuar të drejtonte shfaqjen e skicave komike, një rol i lakmuar i cili është plotësuar nga një grup personash të famshëm që nga fillimi i SNL në vitet 1970. Ku përfshihen Adele, Chris Rock, Ringo Starr dhe Will Ferrell.

“Unë jo gjithmonë kam shumë intonacion ose variacion në mënyrën se si flas, gjë që thuhet se krijon komedi të shkëlqyer”,- bëri shaka ai në monologun e tij të hapjes. “Në të vërtetë po bëj histori sonte si personi i parë me Asperger që moderon SNL.” 

Lexo: SpaceX i Musk do të nisë misionin dogecoin në Hënë

Komenti i tij u pasua nga një duartrokitje dhe brohoritje e gjatë.

Disa njerëz në mediat sociale, megjithatë, vunë në dyshim pretendimin e tij. Ata theksuan se aktori i humorit Dan Aykroyd, i cili ka folur publikisht për përvojën e tij me sindromën e Tourette dhe Asperger, ka qenë më parë moderator i SNL.

Musk, i cili ka më shumë se 53 milion ndjekës në Twitter, gjithashtu bëri shaka me përdorimin e mediave sociale. Ai është përballur me kritika dhe madje edhe kërcënime ligjore për postimet e tij në të kaluarën.

“E di që ndonjëherë them ose postoj gjëra të çuditshme, por kështu funksionon truri im”,- tha ai.

“Për këdo që është ofenduar, dua vetëm të them se kam rikrijuar makinat elektrike dhe po dërgoj njerëz në Mars me raketë. A mendonit vërtet se do të isha një djalë i ftohtë dhe normal?”

Çfarë është sindroma e Asperger?

Sindroma e Asperger është një paaftësi e përjetshme e cila i prek njerëzit në shumë mënyra të ndryshme.

Disa mund zgjedhin të vazhdojnë të përdorin këtë term, ndërsa të tjerë mund të preferojnë t’i referohen vetes si autik ose në spektrin autik.

Personat e diagnostifikuar me këtë sindromë mund të kenë vështirësi në interpretimin e gjuhës verbale dhe joverbale dhe mund t’ju duhet më shumë kohë për të përpunuar informacionin.

Ata gjithashtu mund të kenë vështirësi të shprehin ndjenjat e tyre në një mënyrë konvencionale. Por ata mund të jenë më të ndjeshëm ose më emocionalisht të vetëdijshëm sesa njerëzit jo-autikë.

Shumë njerëz me sindromën Asperger kanë interesa të forta dhe shumë të përqendruara, disa i kanalizojnë ato drejt një karriere të suksesshme.

Miliarderi bëri shaka edhe me emrin e pazakontë të djalit të tij, ai dhe këngëtarja Grimes njoftuan lindjen e fëmijës së tyre të parë, X Æ A-12 Musk, vitin e kaluar. “Thuhet mace që vrapon nëpër tastierë”,- tha Musk.

Lexo: Govcoins: Monedhat digjitale që do të transformojnë financat

Më vonë gjatë programit, CEO i SpaceX foli për kriptovalutën Dogecoin.

Monedha u krijua në 2013 nga disa punëtorë softuerësh dhe në fillim të këtij viti ajo u rrit në vlerë me 50% pasi Musk e quajti atë “kripto e njerëzve”.

Ai përdor një qen Shiba Inu si maskotë dhe bazohet në një meme që paraqet qenin.

Musk e përshkroi monedhën si “një automjet i pandalshëm që do të pushtojë botën”, por më vonë tha se ishte një “ngutje” e cila nxiti një rënie pothuajse të menjëhershme të vlerës.

Pa ndonjë vlerë të brendshme si ari ose toka dhe pa aftësi për të gjeneruar të ardhura, kriptovalutat janë jashtëzakonisht të paqëndrueshme dhe mund të rrëzohen aq shpejt sa rriten. Kjo i bën ato të vështira të vlerësohen dhe i bën çmimet e tyre të ndjeshme ndaj këshillave të mbështetësve të tillë si Musk.

BBC

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #26 - Korrik 2021

Ditët e nxehta të kësaj vere mund t’i freskoni me artikujt e revistës 26 të Businessmag. Një numër i pasur me artikuj rreth sipërmarrjeve në fusha të ndryshme, por edhe profileve interesante të sipërmarrësve. Që në kopertinë vini re dy djem që po çojnë përpara sipërmarrjen e ngirur nga prindërit. Një model për t’u ndjekur nga shumë sipërmarrje të tjera. Idetë e reja, nismat e reja në biznes sot janë më të rëndësishme se kurrë për të mundësuar suksesin.
Zhvillimet në disa tregje mund t’i gjeni në brendësi të revistës. Të tilla janë tregjet e real estate dhe ai i shërbimit postar.

Zhvillimet në fushën e teknologjisë këtë vit vijnë me 10 gjetjet më të rëndësishme teknologjike, të cilat janë orientuar shumë drejt zhvillimeve shëndetore.

Diaspora vjen me profilin e një sipërmarrëseje në fushën e stilimit dhe qepjes së veshjeve. Ornela ka arritur të hapë tre dyqane shërbimi, ku përshtaten brandet më të mëdha sipas nevojave të klientit.

Edukimi është një temë e prekur nga ne në këtë numër, pasi sfidat e edukimit në këtë vit pandemik kanë qenë të mëdha. Sjellim dy akademi me zhvillimet e tyre dhe qasjen ndaj edukimit gjatë pandemisë, si dhe mundësinë e edukimit të fëmijëve në format më të mira të mundshme.

Në brendë…

Shiko më shumë
Na ndiqni në rrjetet sociale
0