Elon Musk synon që SpaceX të lançojë gjeneratën e ardhshme të teleskopëve hapësinorë


 

Musk, përpiqet të sigurojë shkencëtarët se satelitët e tij të Starlink nuk do të dëmtojnë qiellin, siç kanë frikë shumë prej tyre. Ai thotë se do të donte të ndihmonte në dërgimin e më shumë vëzhguesve në orbitë.

CEO i SpaceX, Elon Musk u tha shkencëtarëve të hënën se ai do të donte të bashkëpunonte me astronomët për të parë më thellë në hapësirë dhe ndoshta edhe për të bërë fotografi më të qarta të planeteve, ku mund të ketë ekzistencë jete.

“Jam shumë i entuziazmuar për një të ardhme të teleskopëve të bazuar në hapësirë, ​​që mund të jenë shumë të mëdhenj,” i tha Musk një komiteti të Akademive Kombëtare të Shkencave, Inxhinierisë dhe Mjekësisë, përmes një video-konference të zhvilluar në Zoom.

Takimi i komitetit ishte pjesë e një studimi 10 vjeçar, në të cilin NASA, agjencitë e tjera qeveritare dhe shkencëtarët përpiqen të vendosin përparësi për kërkimet astronomike dhe astrofizike. Musk u ftua të trajtojë shqetësimet në lidhje me ndërhyrjet nga konstelacionet e mëdha satelitore si Starlink.

Sipërmarrësi miliarder tha se satelitët “VisorSat” të pajisur me një tendë ​​dielli për të bllokuar reflektimet nga dielli duhen rregulluar. Shkëlqimi i bën satelitët mjaft të ndritshëm për t’u parë nga Toka dhe kanë dëmtuar disa vëzhgime astronomike gjatë vitit të kaluar. Musk tha që lançimi tjetër i satelitëve Starlink duhet të jetë i pajisur me pajisjet e errësimit.

Lexoni: COVID-19, Qytetet më të mëdha të Kinës rihapin shkollat

“Ne do të ndërmarrim hapa të mëtejshëm sipas nevojës”, siguroi Musk audiencën e shkencëtarëve, duke shtuar se rregullimi është “mjaft i thjeshtë” dhe “ne nuk do të hasim vështirësi”. Astronomët filluan të vërenin satelitët menjëherë pas lançimit të tyre të parë vitin e kaluar. Konstelacioni prej atëherë është rritur në mbi 400 satelitë individualë. SpaceX është e lejuar nga FCC të lëshojë mbi 12,000 satelitë dhe ka paraqitur dokumente në agjensitë ndërkombëtare që përfundimisht të ketë një mega-konstelacion.

Në video-konferencë, Musk konfirmoi se ai sheh 20,000 deri në 30,000 satelitë si madhësinë ideale për të mbuluar planetin me qasje internet, kudo.

Përveç sigurimit për uljen e ndikimit të satelitëve në astronomi, Musk vazhdoi të përmendte idenë e bashkëpunimit në një “Observator të imazhit të planetit” në orbitë. Teleskopë të tillë, orbitojnë shumë më lart se satelitët Starlink në orbitën më të ulët në Tokë dhe nuk do të rrezikonin ndërhyrje nga ndonjë mega-konstelacion.

Musk e përmbylli komunikimin duke iu rikthyer idesë së tij. Ai tha se shpreson që gjenerata e ardhshme e Starship të bëjë fluturime të rregullta brenda dy viteve.

“Kjo lejon që më shumë teleskopë hapësinorë të transportohen në orbitë me një pjesë të kostos”, tha ai.

Ai bëri shaka duke thënë se ishte i motivuar nga dëshira e tij për të zbuluar nëse universi ynë është me të vërtetë thjesht një simulim kompjuteri.

“Nëse të paktën mund të përpiqemi të fotografojmë disa planetë … ata do të duhet ta bëjnë renditjen më mirë.”

Cnet

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale