Elon Musk shkakton reagime në krahasimin e Kosovës me rajonet lindore të Ukrainës - Business Magazine Albania

Elon Musk shkakton reagime në krahasimin e Kosovës me rajonet lindore të Ukrainës

Përmes një sondazhi të hapur në rrjetin social, Twitter, Elon Musk ka kërkuar mendimin e ndjekësve për mënyrën si duhet të përfundojë lufta e Rusisë në Ukrainë.

Musk, një nga njerëzit më të pasur në botë propozon zgjedhje të vëzhguara nga OKB-ja në katër rajonet ukrainase të aneksuara nga Moska pak ditë më parë, pas referendumeve që Perëndimi i konsideron “një farsë”.

Sipas miliarderit, Rusia mund të largohet më pas nga këto territore, nëse ekziston vullneti i popullit. Në planin e tij, ai parashikonte që Gadishulli ukrainas i Krimesë – të cilin Rusia e ka aneksuar ne 2014 – të jetë zyrtarisht pjesë e saj “siç ka qenë prej vitit 1783, deri tek gabimi i ish-udhëheqësit të Bashkimit Sovjetik, Nikita Hrushov, thotë ai.

Lexo edhe: Elon Musk e sfidon drejtorin ekzekutiv të Twitter në një ‘debat publik’ në lidhje me ‘robotët’

Po kështu, propozon që të sigurohen furnizimet me ujë në Krime dhe që Ukraina të mbetet neutrale, ndërsa i pyet ndjekësit nëse janë pro apo kundër planit që ka hartuar. Ndaj kësaj lëvizjeje të pronarit te Teslas, reagoi këshilltari i presidentit të Ukrainës, Mykhailo Podolyak, i cili e pyeti Muskun nëse po tenton të legjitimojë pseudorefendumet që ndodhën në kushte persekutimi, torturave dhe ekzekutimeve.

Por Musk i përgjigjet se po sugjeron të votohet nën mbikëqyrje të Kombeve të Bashkuara, duke kërkuar një qasje “ndoshta të ngjashme me Kosovën”. Ndaj kësaj, kanë reaguar një sërë personalitetesh në Prishtinë. Deputeti i Partisë Demokratike të Kosovës, Enver Hoxhaj, i sugjeron të lexojë më parë disa libra nëse dëshiron të kuptojë më mirë Kosovën dhe Ukrainën. “Serbia ka kryer genocid në Kosovë, ndërsa Rusia dëshiron të marrë tokë që nuk i takon asaj. Ke një narrativë ruse. Qëndro jashtë kësaj nëse nuk je i informuar në detaje”, ka shkruar Hoxhaj në Tëitter. ““Lexo para se të postosh në Tëitter!”, i thotë dhe deputeti Behgjet Pacolli.

Edhe më e ashpër është treguar në komentet e saj nënkryetarja e PDK-së, Vlora Çitaku, e cila shkruan: “E ke me të vërtetë? Duhet të jesh i dehur”!, në reagimin e indinjuar të saj pas krahasimit që Musk i bëri Kosovës me Donbasin e Krimenë. Ndaj Muskut reagoi edhe presidenti ukrainas, Volodymir Zelensky, i cili u kundërpërgjigj me një sondazh, pyetja e së cilës ishte: “Cilin Elon Musk e pëlqeni më shumë? Atë që mbështet Ukrainën, apo atë që mbështet Rusinë?”/ New York Times 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0