Elon Musk tha se po mendohet seriozisht për krijimin e një platforme të re të mediave sociale në një postim në Twitter. Ai nuk ndau ndonjë specifikë se si do të dukej apo si do të funksiononte platforma hipotetike e mediave sociale.
Miliarderi i Tesla dhe SpaceX bëri këtë koment pasi pretendoi se Twitter nuk lejon fjalën e lirë.
Të premten, Musk shkroi në Twitter: “Duke pasur parasysh se Twitter shërben si shesh publik de facto, dështimi për t’iu përmbajtur parimeve të fjalës së lirë minon rrënjësisht demokracinë. Çfarë duhet bërë?” Ai vazhdoi duke pyetur nëse nevojitet një platformë e re.
Në një tjetër postim në Twitter të premten, Musk tha se “fjala e lirë është thelbësore për një demokraci funksionale” dhe vuri në dyshim nëse Twitter “i përmbahet me rigorozitet këtij parimi”.
Twitter, i cili pretendon se është i përkushtuar ndaj lirisë së shprehjes, nuk iu përgjigj menjëherë një kërkese të CNBC për koment.
Lexo edhe: 10 shpikjet më të mëdha të Elon Musk që po ndryshojnë botën
Shqyrtimi i rregullatorit
CEO-s së Tesla nuk i pëlqen fakti që tweet-et e tij shqyrtohen nga rregullatorët.
Musk u thirr nga Komisioni Amerikan i Letrave me Vlerë dhe Shkëmbim në nëntor pasi ai pyeti ndjekësit e tij në Twitter nëse duhet të shesë 10% të aksioneve të tij Tesla duke shkaktuar rënien e aksioneve të kompanisë.
Në shkurt, Musk akuzoi Komisionin për “ngacmim” në një përpjekje për të “fituar” të drejtën e tij për lirinë e fjalës.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
