Elevator Lab: Raiffeisen Bank Shqipëri dhe Kosovë mbyllin me sukses programin “Sfida Rajonale Elevator Lab 2019” - Business Magazine Albania

Elevator Lab: Raiffeisen Bank Shqipëri dhe Kosovë mbyllin me sukses programin “Sfida Rajonale Elevator Lab 2019”

Raiffeisen Bank Shqipëri ka mbyllur me sukses mbrëmjen e 13 Qershorit programin “Sfida Rajonale Elevator Lab Shqipëri & Kosovë 2019” në bashkëpunim me Raiffeisen Bank në Kosovë. 15 startupet pjesëmarrëse paraqitën prezantimet (pitche) përpara jurisë dhe fitues u zgjodh AILend, prezantuar nga Gentjan Zotaj, i cili shpjegoi që aplikacioni ndihmon klientët, përmes thjeshtimit të komunikimit me bankat duke i lënë klientët të flasin në mënyrën se si ata janë mësuar të financojnë nevojat e tyre. Ndërkohë vendi i dytë u shpall fitues Qëndresa Hoti, nga Kosova, ShefNoMore i cili konsiston në pagesat online. Fokusi kryesor fillimisht janë baret dhe restorantet, ku përmes një bar kodi, që do të ngjitet në secilën tavolinë, i lidhur me lokalin përmes këtij aplikacioni do të bëhet pagesa e asaj që konsumuat në restorant. Vendi i tretë u shpall Alban Afmeti me projektin Squadin, e cila është një platformë rekrutimi që organizon dhe automatizon procesin e rekrutimit për një kompani. Me anë të Squadin, çdo kompani mund të kufizojë gjithçka duke filluar nga njoftimet, testimet e aplikantëve, etj.

Lexoni: Prezantohet “Sfida Rajonale Elevator Lab Shqipëri & Kosovë” në universitete

Për të dytin vit radhazi Raiffeisen Bank organizoi këtë program, i cili hapi raundin e dytë të aplikimeve me datë 7 Maj dhe përgjatë 3 javëve ju bëri thirrje të gjithë të interesuarve, start-upve, etj të aplikonin me idetë dhe zgjidhjet e tyre në 6 fushat e interesit dhe më gjerë. Gjatë kësaj periudhe u organizuan aktivitete të ndryshme prezantuese në Universitete të ndryshme në Tiranë si dhe përgjatë aktivitetit Startup Grind Tirana.

Të pranishëm në eventin final ishin dhe Drejtori i Përgjithshëm i Raiffeisen Bank Shqipëri z. Christian Canacaris dhe Drejtori i Përgjithshëm i Raiffeisen Kosovë, z. Robert Wright.

Në fjalën e tij përshëndetëse z. Canacaris tha, “Elevator Lab është një program partneriteti fintech, i cili është më i madhi në Europën Qendrore dhe Lindore, i cili zhvillon raundin e tretë që prej fillimit të tij në vitin 2017. Të angazhuar drejt inovacionit dhe për t’i shërbyer më mirë klientëve tanë, ne po e prezantojmë këtë program për të dytin vit, po kësaj here në të dy tregjet Shqipëri dhe Kosovë pas një raundi të parë shumë të suksesshëm gjatë vitit 2018. Kjo është një mundësi e shkëlqyer për një partneritet të gjerë në grup, ku ne jemi shumë të kënaqur t’i japim komunitetit rajonale në këto dy vende. Raiffeisen Bank në Shqipëri është në transformim të vazhdueshëm dixhital dhe ne gjithmonë do të mbështesim projektet teknologjike që do të ndihmojnë në përmirësimin e shërbimit ndaj klientëve tanë dhe performancën tonë si bankë”.

“Programi i “Elevator Lab”, i mundësuar nga Raiffeisen Bank, është programi më i madh i partneritetit të kompanive fintech në Europën Qendrore dhe Lindore. Programi është në kërkim të zgjidhjeve inovatore të reja për të zhvilluar së bashku biznesin e nesërm bankar. Pasi të jetë përzgjedhur, komuniteti i startupve do të kenë mundësinë e zhvillimit të biznesit të tyre këtu në nivel lokal me Raiffeisen Kosovë dhe Raiffeisen Shqipëri dhe potencialisht në të gjithë rajonin e Europës Qendrore dhe Lindore ku vepron Raiffeisen. Nga sfida e vitit të kaluar për Kosovën, ne kemi nisur partneritet të suksesshëm me fintech-un fitues AR Vision në RBKO”, shtoi Z.Wright gjatë fjalimit të tij.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0