Elevator Lab prezantohet gjatë eventit “Paneli i Karrierës SalesForce”

Elevator Lab prezantohet gjatë eventit “Paneli i Karrierës SalesForce”

Elevator Lab

Të premten, më 9 tetor, SalesForce Albania zhvilloi eventin “Paneli i Karrierës Salesforce”. Paneli përbëhej nga Trailblazers me përvojë dhe të rinj që ndanë udhëtimin, rrugën e karrierës dhe këshillat për gjetjen e një pune në ekosistemin Salesforce.

Paneli përbëhej nga: Gianluca Ciminata, themelues dhe CEO i kompanisë DOT (Digital on Things), Brisilda Hitaj, e cila punon pranë kompanisë ndërkombëtare Mozenda, Renato Civili, bashkë-themelues dhe CEO i Digital Academy Albania, Dorian Kane, administrator i SalesForce dhe Anila Sallata, përfaqëusese e bankës Raiffeisen në Shqipëri.

Eventi u zhvillua në ambientët e InnoSpace Tirana. Të interesuarit kishin mundësi ta ndiqnin eventin edhe online, në platformën Google Meet.

Elevator Lab

Të pranishëm në event ishin antarë të komunitetit SalesForce dhe të rinj të apasionuar pas teknologjisë. Eventi u moderua nga Marilo Meta, themelues dhe president i LDA Balkan dhe Besmira Amuli, menaxhere projektesh pranë AWS.

Gjatë eventit, Anila Sallata, përfaqësuese e Raiffeisen Bank prezantoi programin “Elevator Lab Kosovë & Shqipëri 2020”.

Elevator Lab

Programi “Elevator Lab” është një program inovativ, i cili për herë të parë u prezantua në qershor të vitit 2017 nga Raiffeisen Bank International (RBI) në Vjenë, pjesë e të cilit ishin edhe të gjitha bankat e rrjetit RBI, duke përfshirë këtu edhe Raiffeisen Bank në Kosovë dhe Shqipëri.

Elevator Lab” është bërë tashmë akseleratori fintech më i madh në Evropën Qendrore dhe Lindore. Prandaj, zbatimi i këtij programi edhe në Kosovë e Shqipëri paraqet një mundësi të veçantë për komunitetin fintech dhe startup që veprojnë në këto dy vende të konkurrojnë dhe të përfitojnë një përvojë të re duke bashkëpunuar me profesionistë të fushave të ndryshme bankare.

Të gjithë të interesuarit mund të aplikojnë më idetë dhe zgjidhjet e tyre në këto fusha:

Retail (Retail Banking)

Korporatë (Corporate Banking)

Tregjet Kapitale (Capital Markets)

dhe zgjidhje të tjera inovative bankare.

Lexoni: Raiffeisen Bank në Kosovë dhe Shqipëri prezantojnë programin e përbashkët “Elevator Lab 2020”

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0