Efekti Brexit, ekonomia gjermane rrezikon recesion - Business Magazine Albania

Efekti Brexit, ekonomia gjermane rrezikon recesion

~3 minuta lexim


Për herë të parë në katër vitet e fundit, titujt e borxhit, të ekonomisë më të fortë në Europë, janë në rënie. Yield-i i borxhit 10-vjeçar gjerman ra në -0.001. Besimi në ekonomi ka rënë dhe po marrin terren shqetësimet për dobësimin e ekonomisë gjermane. Ecuria e shifrave këtë vit, ka shtuar pikëpyetjet se Gjermania po i drejtohet një recesioni. Ekonomistët mendojnë se, ulja e interesave të borxhit, mund të jetë rezultat i shqetësimeve për Brexit dhe dobësimit të industrisë.

Industria prodhuese në Gjermani u tkurr edhe gjatë muajit mars, duke shënuar muajin e tretë në rënie e duke zbritur njëkohësisht në nivelet më të ulëta të 6 viteve të fundit. Duhet të kujtojmë se borxhi 10-vjeçar i Qeverisë Gjermane, shërben si referencë për të gjithë titujt europianë, pasi shihet si instrumenti më i sigurt për investitorët europianë. Qëndrueshmëria e tij, e ka bërë të krahasohet nga investitorët, me një tjetër instrument të rëndësishëm investimi, siç janë metalet e çmuara.

Sipas të dhënave të muajit të kaluar, në tremujorin ne fundit 2018, Gjermania mezi shmangu recesionin. Ekonomistët mendojnë se fatura më e madhe po vjen nga pasiguria e efekteve Brexit.

Lexo: Josif Grabocka, profesori i Inteligjencës Artificiale në Gjermani

Kjo do të thotë se jo vetëm investitorët e lidhur drejtpërdrejt me tregun britanik, por edhe ata në Europë janë të shqetësuar për zhvillimet.

Pasiguritë, janë rrezik direkt i rritjes ekonomike të një vendi, e madje edhe të një recesioni.

Efektet tashmë janë të dukshme. Banka Qendrore Europiane ka ulur së fundi në 1.1% parashikimet e saj për rritjen ekonomike të këtij viti, nga 1.7% që ishte parashikimi i fillimvitit.

 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0