Edicioni i ri i Business Mag do t’ju motivojë të lini zyrën…! - Business Magazine Albania

Edicioni i ri i Business Mag do t’ju motivojë të lini zyrën…!


Numri i ri i revistës ka dalë. Por do tju kërkojmë ndjesë pasi ky edicion i Business Mag, do t’ju motivojë të lini zyrën…! Sic mund të kuptohet, ky numer i kushtohet turizmit, udhëtimeve, pra pushimeve.  Tek ky edicion do të gjeni shkrime interesante që do tju vijnë në ndihmë të realizoni pushimet e endërrave tuaja, kuriozitete si dhe shumë intervista rreth startup-ve që kanë filluar ta bëjnë vibrant edhe mjedisin shqiptar.

Tek shfletoni faqet e saj, do të ndjeni aromën e detit e të rërës, pra, “aromën”e TripAdvisor! Kush nuk e njeh sitin më të njohur në botë ku të paktën të gjithë kanë vozitur një herë të vetme për të kapur ofertën më të mirë për pushimet e tyre!  170 milion komentet e opinionet rreth hoteleve, restoranteve, bukurive natyrore dhe bizneseve të tjera të lidhura me udhëtimet kanë bindur për të disatën herë bashkëthemeluesit e TripAdvisor, Stephen Kaufer & Langley Steinert seTripAdvisor është “Just for You.”

Prandaj me celularin apo tabletin tuaj në dorë (cdo gjë po shkon mobile), lexoni me kërshëri për TripAdvisor dhe 5 sitet më të njohura të momentit që do tju shpëtojnë nga vuajtjet për një rezervim hoteli dhe avioni me një cmim sa më ekonomik. Por sado që shikimin e hedhim larg, pushimeve në plazhet shqipëtare, ne zor se i rezistojmë në fund të fundit.  Këtë e konstaton me optimizëm edhe Agim Mehmeti, drejtori i kompanisë së udhëtimit, “Albtoursd-Vas Tour” kur thekson se  Shqipëria po jep sinjale të dukshme si destinacion që mund të konkurojë  me tregjet e ndryshme Europiane.

Por nuk mendon kështu Këshilltari Tregtar Austriak, Peter Hasslacher i cili në një intervistë ekskluzive për Infoalbania, nënvizon se produkti ‘shqiptar’ duhet të përmirësohet akoma më tej kur vjen puna tek turizmi. Më tej, në përgjithësi, ai nuk është i kënaqur me atmosferën e biznesit që ai dhe biznesmenët austriakë gjejnë në Shqipëri. Këtë e tregon edhe anketimi më i fundit i zhvilluar nga Zyra Tregtare e Austrisë.

Ah për për pak harruam, para se të niseni në këtë udhëtim që e keni pritur një vit të tërë, përgatituni për ndonjë surprizë që mbase nuk e keni parashikuar: si për shembull një robot tek check-in desk në hotel apo aplikacione të reja për të vërtetuar cilësinë e Wifi në hotelin tuaj! Ah, ky është rezultati i teknologjisë!

Por ne si Business Mag, nuk harrojmë dot se pas organizimit të një palë pushimesh si duhet, qëndrojnë shumë kompani e startup-e që jua lehtësojnë punën dhe jua bëjnë qëndrimin tuaj një eksperiencë të këndshme.  Prandaj duke mos qëndruar gjatë tek pushimet, ne ju ofrojmë besnikërisht rubrikën “Këshilla nga njerëz të suksesshëm” ndërsa i dedikohemi edhe Startup Weekend Tirana, një nga ngjarjet më të shënuara në Tiranë që mobilizoi shumë të rinj në fushën e startup-ve. Flasin për ne ekskluzivisht organizatorët e këtij eventi dhe fituesit me projektet e tyre të vecanta por edhe menaxherja e Talent Garden, Lindita Komani që afron talentet në fushën dixhitale. Në çdo fjalë të tyre, i thuret lavde asaj “IDESË UNIKE.” Pikërisht ajo ka frymëzuar edhe deputetin e parë shqiptar në Parlamentin Belg, Ahmet Gjanaj të ndihmojë në lancimin e 800 bizneseve të vogla dhe të mesme në Belgjikë apo sipërmarrësin më të ri shqiptar, Emiland Skora të lërë Amerikën për Shqipërinë dhe bimët e saj aromatike.

Keni shumë për të lexuar. Ju urojmë një verë argëtuese! Dhe nën rrezet e nxehta të diellit, konsumoni sa më shumë Ujë Tepelena i cili është më i garantuari për nga cilësia. Këtë se themi ne por Administratori i  Ujit Tepelena, Luciano Cirillo!

Shijojeni!

Kemi harruar ndonjë gjë? Ju e dini se cfarë të bëni: Na shkruani!

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #27 - Nëntor 2021

Miq, lexues të BusinessMag,

Ky numër i ri revistës vjen në një sezon të nxehtë plot me zhvillime interesante në botën e startupeve. Jam i sigurt që secili nga ju është i ngarkuar shumë më tepër se në çdo periudhë tjetër në përpjekjet për të çuar gjërat përpara, ndaj ju falenderoj që po gjeni kohën për të lexuar këto rreshta. 

Dikush më pyeti sot, sa optimist je për të ardhmen? U përgjigja pa menduar, se kjo nuk është pyetje për një sipërmarrës. Ne optimizmin e kemi në gjak, pasi është stimuli kryesor që çon përpara iniciativat e çuditshme që ndërmarrim, shpesh pa u menduar gjatë! 

Këtë optimizëm përpiqemi ta sjellim në faqet në vazhdim nëpërmjet intervistave me personazhe të njohur dhe të panjohur, të cilët me punën e tyre të përditshme ndikojnë në jetën e mijëra njerëzve përreth. 

Me punën që bëjnë, me historitë që rrëfejnë mbi sfidat e ndryshme, mes dështimesh dhe suksesesh ata/ato frymëzojnë, motivojnë duke përshkruar maratonat vetjake drejt suksesit; pavarësisht pengesave, duke kaluar nga dështimi në dështim, por pa humbur entuziazmin (siç thotë dhe Churchill). 

Njihuni …

Shiko më shumë
Na ndiqni në rrjetet sociale
0