Në kohën që jetojmë, suksesi i një biznesi nuk matet vetëm me shifra, por me sa të lumtur i bën klientët, sa vlerësohet puna, sa e njohur është marka dhe sa njerëz do ta rekomandonin shërbimin apo produktin tuaj. Pikërisht këto elemente janë në qendër të konkursit të hapur “Business Leaders 2025”, organizuar nga Business Magazine Albania në bashkëpunim me AlbaniaTech.
Ky konkurs synon të vlerësojë dhe të nxjerrë në pah liderët, sipërmarrësit, startup-et dhe figurat me ndikim, që gjatë këtij viti kanë sjellë risi, kanë ndërtuar vlerë dhe kanë ndikuar realisht në komunitet.
Lexo edhe:Hapen votimet për “Business Leaders 2025″ – Votoni të preferuarit tuaj!
Kategoritë kryesore të “Business Leaders 2025”
Publiku ka pasur mundësinë të nominojë dhe të votojë në disa nga kategoritë më përfaqësuese të ekosistemit të biznesit dhe inovacionit në Shqipëri:
Sipërmarrësi/ja e Vitit
Kjo kategori nderon liderin që ka kthyer sfidat në mundësi, ka ndërtuar një biznes të qëndrueshëm dhe ka treguar vizion e ndikim në ekonomi.
Ylli i Diasporës
Vlerëson shqiptarët që jetojnë jashtë vendit, por që po lënë gjurmë të rëndësishme në arenën ndërkombëtare të biznesit, inovacionit, teknologjisë dhe kreativitetit, duke përfaqësuar Shqipërinë me sukses global.
Startup-i i Vitit
Një kategori dedikuar ideve të reja, shërbimeve inovative dhe kompanive në hapat e parë të zhvillimit, që kanë potencialin të shndërrohen në histori suksesi dhe “unicorn”-ë të së nesërmes.
Influenceri/ja i Vitit
Në një realitet ku rrjetet sociale kanë ndikim të drejtpërdrejtë në vendimmarrje, kjo kategori nderon figurën që ka fituar besimin e publikut dhe ka krijuar ndikim real përtej famës.
Fituesit e edicionit “Business Leaders 2025” do të shpallen SOT në orën 13.00 në Linkedin Live. Çdo votë është një formë mirënjohjeje për punën, përkushtimin dhe ndikimin e atyre që po formësojnë të tashmen dhe të ardhmen e biznesit shqiptar.
Nëse nuk keni votuar ende, tani është momenti i fundit për të mbështetur të preferuarit tuaj.
Artikull ekskluziv i Business Magazine Albania.
Ky artikull gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.
Artikulli mund të ripublikohet nga mediat e tjera vetëm duke cituar “Business Magazine Albania” shoqëruar me linkun e artikullit origjinal
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
