“E Kuqe, E Bardhë & Blu”, motivet patriotike të marketerëve që po lulëzojnë këtë vit

‘Coca-Cola‘ është brandi më i fundit që vishet me ‘Lavdinë e Vjetër Amerikane’. Gjigandi i pijeve ‘soft’ ka filluar shitjen e limituar të kanaçeve me ngjyrat e flamurit amerikan: e kuqe, e bardhë dhe blu, kanaçe e cila do të jetë e gatshme për t’u shitur nëpër dyqanet e ushqimoreve nga 4 Korriku.

“I’m proud to be an American” është shprehja patriotike e cila do të shfaqet gjithashtu në dizajnin e kanaçeve. Kjo është pjesë e programit “Share a Coke and a Song” që u lançua në Prill dhe përfshin vendosjen e më shumë se 70 këngëve popullore në kanaçe dhe shishe.

Kanaçja me flamurin amerikan vjen në nder të partneritetit të gjatë midis ‘Coca-Cola’ dhe United Service Organization, i cili shënon 75-vjetorin e tij. Marka do të inkurajojë fansat që t’i bashkohen fushatës “Campaign to Connect” e cila përfshin dërgimin e mesazheve të falenderimit anëtarëve të USO në të gjithë globin.

Ndërsa marketingu patriotik ka qenë pjesë e shumë brandeve, përdorimi i paketimit me motive të tilla më shumë se kurrë ka qenë në rritje këtë vit, duke qenë edhe në një vit Olimpik.

‘Burnett’s Vodka‘ lançoi një version “USA Party”. Smirnoff sapo ka anonçuar një version të quajtur “Red, White & Berry”. ‘Keystone Light’ e ‘MillerCoors’ është duke promovuar programin “Stone Splanged Summer” që përfshin paketimin me motivet patriotike gjithashtu. ‘Skittles‘ është duke shitur “America Mix” me Skittles të kuq, të bardhë dhe blu. ‘Hershey‘ ka ndryshuar gërmëzimin e argjendtë në paketimin e çokollatave të saj me qumësht, i pari ndryshim në gërmëzim që prej 122 viteve, në të kuq, bardhë dhe blu.

/Ad Age