Por, a e dini se çfarë do të thotë në të vërtetë “Samsung”? Duke qenë se nuk kemi shumë njohuri për gjuhën koreane, sigurisht që edhe kuptimi i emrit të brendit “Samsung” është i paqartë.
Nëse e përkthejmë fjalën “Samsung” në gjuhën shqipe do të thotë “tre yje”, emër i vendosur nga themeluesi i kompanisë “Samsung”, Lee Byung, i cili qysh në fillim të hapjes së kompanisë ka pasur si qëllim që kompania një ditë të bëhet e fuqishme dhe e qëndrueshme sikur yjet në qiell.
Por, pse pikërisht tre yje, çfarë ka të bëjë numri “tre” me suksesin, pse jo dy apo katër? Arsyeja e kësaj duket të jetë e fshehur në gjuhën koreane ku numri “tre” është përdorur si simbol që përfaqëson diçka të madhe dhe të fuqishme.
Pra, dëshira për t`u bërë një kompani e madhe dhe e fuqishme është arritur nga “Samsung” brenda viteve të fundit. Megjithatë, për t`u bërë një “bishë” vërtet edhe më madhështore, duke arritur kulminacionin, telefonat e mençur “Galaxy S8” dhe “Galaxy S8 Plus” mund të jenë ata, që do të vendosin për fatin e kompanisë përballë konkurrentit të përhershëm iPhone.
/PhoneArena
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
