Dyqan Taxi bëhet Aladini shqiptar


Pamje, energji dhe strategji krejtësisht e përmirësuar. Fillimisht nisi si Dyqan Taxi, dyqani i parë online me një gamë produktesh që u përqafua shpejt nga konsumatori shqiptar. Por, bashkë me rritjen ndryshon dhe vizioni, planet… dhe së fundi emri. Shumë kompani si Google, Yahoo, Pepsi, Nike,etj, ndryshuan emrat e tyre të vjetër para se të bëheshin kompani të fuqishme ndërkombëtare.

Ndoshta kjo është edhe strategjia e re e Aladini. Aladini synon të jetë një brand për gjithë rajonin e më tej. Ndërkohë, DyqanTaxi mbetet historia që nuk do të dilte nga kufijtë shqiptarë.

Artikulli u publikua më parë në faqen 32  të numrit 21 të revistës Business Magazine Albania. Ju mund të Shfletoni Këtu  nr. 21 të saj.

Nëse në vitet 2000 shitjet online konsideroheshin të paimagjinueshme si të gjitha shpikjet e mëparshme, tashmë interneti është kthyer në një konkurrent të frikshëm për të gjitha fushat e zhvillimit ekonomik. Segmenti i shitjeve online në tregtinë me pakicë po njeh rritje të vazhdueshme në Shqipëri. Parashikimet thonë se në vitin 2040, rreth 95% e produkteve do të tregtohen nëpërmjet internetit.

Valer Pinderi, CEO i Aladini thotë se, janë të nevojshme platforma të besueshme shqiptare për blerje online. Sipas statistikave të tregut, në një ditë blejnë në internet rreth 6000 shqiptarë.

Blerjet në faqe të huaja nuk cilësohen tepër efikase, sipas drejtuesve të Aladinit, pasi transporti kushton, kostoja rritet bashkë me doganën e shtuar nga ligji shqiptar dhe numri i përdoruesve dhe zotëruesve të kartave për blerje online është i vogël.

Ku qëndron magjia e Aladinit? Përfaqësuesit e kompanisë thonë se, Aladini do të sjellë tri risi të nevojshme për çdo konsumator. Një skuadër të madhe që monitoron çmimet dhe sigurohet që të gjejmë çmimet më të mira për kategoritë tona në fokus. Kthimin e  produkteve brenda 14 ditëve dhe shërbimin ‘aladini ekspres’ me të cilin produktet mund të dërgohen brenda orës në Tiranë dhe të nesërmen në mëngjes kudo në Shqipëri.

Aladini është tashmë online dhe mund të aksesohet me një klik. “Me Aladinin kemi lançuar një buton. Mjafton vetëm një klikim për ta bërë porosinë. Jam i bindur që askund tjetër në botë nuk ekziston kjo risi dhe tregu i pastrukturuar na e lejon që ne ta realizojmë”, shprehet Pinderi.

Risitë në shërbim, kombinuar me fuqinë e shitjes online, i vënë konsumatorit shqiptar në dispozicion 20.000 produkte. Duke filluar nga veshjet, kujdesi personal, produktet e shtëpisë, elektroniket, produktet për automjetet e deri tek librat apo bebelinot për fëmijë, të gjitha mund të porositen edhe nga telefoni.

Aladini pritet të vijë me një formë të veçantë promovimi, ndaj mos u habisni kur në rrugët e Tiranës të shihni vetë Aladinin me tapetin e tij fluturues, sigurisht në orar pune.

“Guerrilla marketing është vetëm një prej formave që do të vazhdojmë të përdorim edhe më tej për markën e re”, shpjegon z.Pinderi, “Fokusi ynë është kryesisht online, por në rastet kur do të jemi fizikisht do të kemi diçka unike për miqtë tanë”.

Aladini, pjesë e Balfin Group, pritet t’u mundësojë shqiptarëve një eksperiencë më cilësore për blerjet në internet, duke synuar më shumë thjeshtësi.

“Ne jemi të vendosur të ndryshojmë plotësisht këndvështrimin e konsumatorit mbi shitjet online. Këtë do ta bëjmë duke i ofruar besim, siguri në blerjet online por edhe përfitime të shumta. Në këtë këndvështrim kemi një kalendar të ngjeshur për 2019 dhe besoj se do të fusim risi pas risije në tregun shqiptar”, thotë Pinderi.

Artikulli u publikua më parë në faqen 32  të numrit 21 të revistës Business Magazine Albania. Ju mund të Shfletoni Këtu  nr. 21 të saj.

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale