Dua Lipa pëlqen që shpesh herë të befasojë fansat e saj. Të mërkurën, ajo hyri në Instagram për të konfirmuar publikimin e bashkëpunimit të saj të parë zyrtar me Puma.
Ylli i popit dhe marka atletike gjermane po e çojnë partneritetin e tyre në një nivel tjetër me një koleksion të ri të frymëzuar nga vitet ’90.
Bashkëpunimi mes artistes dhe Puma përmban një motiv të ri që është symbol i origjinës sonë duke bashkuar emrin e Lipa-s dhe markën në formën e një fluture të ylbertë.
Teksa shpalli sipërmarrjen, këngëtarja fituese e çmimit Grammy deklaroi se zgjodhi t’i bënte nderime trashëgimisë së saj dhe dëshironte të festonte fillimin e ri me Puma.
“Për mua, fluturat janë më shumë se thjesht krijesa të bukura. Ato përfaqësojnë shumë, si transformimin, shpresën dhe metamorfozën. Gjatë vitit të kaluar, flutura është bërë veçanërisht simbolike dhe kuptimplotë për mua.” – u shpreh këngëtarja.
I titulluar Flutur, bashkëpunimi është vetëm një provëz e asaj që do të vijë në 2022, me një linjë të tërë produktesh të vendosura në treg.
Koleksioni me produkte të kufizuara do të përfshijë bluza bebesh bardh e zi, një kapuç të zi dhe versionin Flutur të atleteve Puma Mayze të Lipa-s. Koleksioni Puma x Dua Lipa Flutur do të dalë më 18 dhjetor në Puma.com dhe në dyqane dhe do të variojë nga 30 deri në 110 dollarë.
Edhe pse ky është bashkëpunimi i parë i muzikantes me markën, Lipa u bashkua me Puma në prill për të promovuar siluetën e atleteve të labelit: Suede Mayu.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
