Aplikacioni i takimeve online dua.com po zgjeron më tej vizionin për lidhjen e migrantëve ndërkombëtarë, emigrantëve dhe komuniteteve të diasporës. “Dua” bleu aplikacionin gjerman të takimeve “Spotted.de” dhe ka kombinuar platformat me njëra-tjetrën të cilat tashmë kanë mbi 5 milionë përdorues të regjistruar.
Lidhja e anëtarëve të çdo komuniteti bazuar në vlerat e tyre, origjinën ose gjuhën e përbashkët – është misioni kryesor i dua.com. Platforma u mundëson njerëzve të lidhen dhe të krijojnë të gjitha llojet e marrëdhënieve: takime, miqësi dhe lidhje biznesi.
Me seli në Zyrih (CH), dua.com nisi rrugëtimin e saj në fund të vitit 2019. Filloi duke rilidhur shqiptarët, komunitetin e parë të fragmentuar globalisht me një diasporë të madhe.
Me një ekip fillimisht të vogël, dua.com iu bashkua inkubatorëve të shumtë në Evropë dhe Shtetet e Bashkuara, përkatësisht Harvard Innovation Labs, Uplift Europe dhe Innovation Center Kosovo, për të nisur risinë dhe nxitur mendjemprehtësinë e biznesit.
E pajisur me prova të konceptit të biznesit dhe rrjedha të ndryshme të të ardhurave, dua.com filloi një udhëtim global duke shkallëzuar zgjidhjen e saj aktuale në komunitete të mëdha në Evropën Perëndimore.
Për të lehtësuar vizionin global, kompania bleu Spotted.de, aplikacionin e takimeve online me kryefjalë vendndodhjen dhe takimet e rastësishme në jetën reale, i cili ka tërhequr miliona përdorues nga vendet gjermane dhe frëngjishtfolëse. Spotted ka mbledhur 15.3 milion dollarë në financimin e Seed dhe Series A deri më tani.
Sipas Valon Asani, CEO i dua.com, sinergjia e përbashkët mes dua.com dhe Spotted do t’i mundësojë kompanisë të fitojë avantazhin teknik dhe ekonomik nga Spotted së bashku me bazën e saj të përdoruesve, duke rritur kështu të ardhurat e përgjithshme dhe duke vendosur bazën në tregun DACH.
“DUA adreson një nevojë themelore, por ende të paplotësuar për shumë komunitete të shpërndara globalisht. Këto Komunitete Ndërkombëtare Migrante janë të fragmentuara dhe të shkëputura. Misioni ynë është t’i rilidhim ato, kudo që janë. Nga kudo në çdo vend, respektivisht nga hiper-lokal (Spotted) në super global (dua.com). – Valon Asani, CEO dua.com
“Jemi shumë të lumtur që bashkojmë forcat me ekipin kompetent të dua AG dhe Valonin për ta çuar aplikacionin në nivelin tjetër dhe për të sjellë edhe më shumë njerëz së bashku, në përputhje të përsosur me filozofinë e Spotted për ‘përhapjen e Dashurisë.” – Nik Myftari – Themeluesi i Spotted.de dua.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
