Drejtoria e Përgjithshme e Tatimeve njofton se numri i bizneseve të fiskalizuara ka arritur në 13,633 dhe numri i faturave të fiskalizuara deri tani ka arritur në mbi 9 milionë.
Nga ky numër 7937 i përkasin biznesit të madh dhe 5500 janë biznes i vogël. Pjesa më e madhe e bizneseve të fiskalizuara është e përqëndruar në kryeqytet me rreth 6,500 subjekte dhe një pjesë e mirë në Durrës.
Përsa i përket sektorëve në biznesin e madh pjesa më e madhe janë biznese në tregti, më pas vijnë bizneset në sektorin e shërbimeve, ato në sektorin e prodhimeve, ndërtimit dhe në fund vijnë bizneset në sektorin e transportit.
Ndërsa për biznesin e vogël pjesa më e madhe janë në sektorin e shërbimeve.
Lexoni: Fiskalizimi – Tatimet do kontrollojnë bizneset në kohë reale
Drejtoria e Përgjithshme e Tatimeve, në kuadër të zbatimit të reformës së Fiskalizimit, do të jetë në mbështetje të çdo biznesi, duke ofruar suportin e saj maksimal për çdo problematikë apo paqartësi në lidhje me këtë proces. Qasja e Administratës Tatimore do të jetë këshilluese dhe informuese për t’i ardhur në ndihmë çdo tatimpaguesi.
Në 1 Janar 2021 nisi faza e parë për transaksionet pa para në dorë midis tatimpaguesve dhe enteve publike (B2G), në 1 Korrik 2021 nisi faza e dytë për transaksionet pa para në dorë midis tatimpaguesve (B2B), ndërsa më 1 Shtator do të nisë faza e tretë për transaksionet me para në dorë tatimpagues-konsumator (B2C).
Gjithashtu në Kuvend u votua edhe heqja e gjobave për bizneset që nuk do të arrijnë të respektojnë kushtet ligjore që përcakton procesi i fiskalizimit deri më 31 dhjetor të këtij viti.
Për më shumë mund të ndiqni videon e mëposhtme:
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English