Nëse celulari ju duhet për të lundruar në rrjete sociale dhe në internet pa problem, për të parë video, për të menaxhuar materiale zyre dhe që t’i mbajë bateria gjatë, ky model ofron çmimin më të mirë.
Doogee X5 Max ka hedhur në treg versionin e ri të celularit që është cilësor dhe mban rekordin si më i liri, 65 dollarë bashkë me postën që nga Kina.
Versioni i ri ka bateri shumë të madhe, 4000 MAh, që mund të mbajë deri në dy ditë, ka proçesor me 4 bërthama, 1 GB Ram, 8 GB memorie të brendshme, kamera 5 MP dhe 2 MP.
Kompromiset që janë bërë për të krijuar këtë çmim fillojnë me faktin që nuk ka 4G, cilësia e kamerave nuk është mbresëlënëse, por gjithsesi nuk të lënë në baltë për video e foto. Rezolucioni i ekranit është HD, 1280×720, që është i mjaftueshëm për të parë video pa problem.
Android 6.0 garanton hapjen e çdo aplikacioni të ri dhe funksionon normalisht me çdo rrjet social, aplikacion materialesh zyre, dhe kufizohet vetëm me lojëra të ngarkuara 3D si dhe me sistemet shumë të shpejta Wi-Fi.
Doogee X5 është i qëndrueshëm për funksionet bazë që ofron një smartfon, dhe deri tani ka rekordin si më i liri për punën që ofron.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
