A mund të jeni gjenetikisht rezistentë ndaj koronavirusit të ri? Një studim i ri tregon se është e mundur që njerëzit mund të kenë fuqinë për të luftuar COVID-19 për shkak të gjenetikës së tyre.
Studiuesit thanë në revistën mjekësore Nature Immunology, mund të ketë njerëz që janë rezistentë ndaj virusit SARS-CoV-2, i cili shkakton COVID-19.
- Shkencëtarët thanë se virusi pushtonte familjen e njerëzve, por linte një ose dy persona pa u infektuar, sipas Science Alert.
Për më tepër, studiuesit shpresojnë se studimi do t’i ndihmojë ata të mësojnë më shumë rreth koronavirusit dhe sesi popullsia njerëzore mund ta luftojë atë.
- “Prezantimi i SARS-CoV-2 tek një popullsi naive, në shkallë globale, ka siguruar një demonstrim tjetër të ndryshueshmërisë klinike midis individëve gjatë infeksionit, duke filluar nga infeksionet asimptomatike deri te sëmundjet kërcënuese për jetën,” shkruan studiuesit në revistë.
- “Kuptimi ynë për patofiziologjinë e COVID-19 kërcënues për jetën ka përparuar në mënyrë të konsiderueshme që kur sëmundja doli për herë të parë në dhjetor 2019, por ne ende dimë shumë pak për bazën gjenetike dhe imunologjike njerëzore të rezistencës së lindur ndaj SARS-CoV-2,” shkruan ata.
Lexoni: Rikthehen studentët në auditore. Nis viti i ri akademik
Shkencëtarët dhe ekspertët kanë studiuar imunitetin ndaj koronavirusit për një kohë të gjatë, veçanërisht ditët e fundit ndërsa rishikojnë sesi imuniteti natyror mund të luftojë virusin.
Virologët Theodora Hatziioannou dhe Paul Bieniasz, të cilët punojnë të dy në Universitetin Rockefeller në New York City, po përpiqen të kuptojnë se si njerëzit mund të jenë super imunë ndaj koronavirusit. Ata që janë super imunë mund të bllokojnë versionet mutante të koronavirusit në shumë raste.
- Dhe studiuesit kanë zbuluar kohët e fundit se ka njerëz që bëhen super imunë duke u infektuar me COVID-19 dhe duke u vaksinuar.
- Këta njerëz prodhuan mjaft antitrupa “të aftë për të luftuar variantet e koronavirusit që qarkullojnë në botë, por gjithashtu ka të ngjarë të jenë efektive kundër varianteve që mund të shfaqen në të ardhmen”.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English