Ministrja Denaj u shpreh se fokusi i qeverisë janë ekonomitë dhe fermat e familjeve shqiptare si në aspektin e paketave fiskale, ashtu edhe atë të skemave mbështetëse. “Projekti me vlerë 3.5 milionë euro dhe me kohëzgjatje 4 vjeçare synon të jetë një nga instrumentët në mbështetje të objektivave të qeverisë shqiptare, për të rritur cilësinë e shërbimeve financiare dhe aksesin në ato të zonave rurale”, tha ajo ndërsa theksoi lehtësisë fiskale, skemat mbështetëse dhe favorizuese për sektorin e bujqësisë.
Përfaqësuesja e FED invest, znj. Zana Konini theksoi se faza e parë e projektit trepalësh JICA – Qeveria Shqiptare dhe FED Invest synonte krijimin e infrastrukturës së nevojshme fizike dhe ngritjen e kapaciteteve njerëzore për realizimin e objektivave të projektit. ”
Lexo: Ministria e Financave hap praktikat profesionale për 266 studentë
Për sektorin e bujqësisë, skemat mbështetëse janë si më poshtë:
Përjashtimet nga TVSH-ja:
- Furnizimi i makinave bujqësore
- Furnizimi i inputeve bujqësore
- Furnizimi i shërbimeve veterinare, me përjashtim të atyre për kafshët shtëpiake
- Importi i lëndëve të para që përdoren për prodhimin e barnave
Skema mbështetëse dhe favorizuese:
- Mundësi financimi dhe incentiva për investimet në sera, në sisteme të avancuara të vaditjes dhe kullimit, blerjen e makinerive bujqësore.
- Normë e reduktuar e tatim-fitimit (5%) dhe e TVSH-së (6%) për shërbimet e agro-turizmit.
- Skema subvencionimi për fermat bujqësore, për sistemet e grumbullimit dhe të tregtimit me shumicë, kultivimin e produkteve bujqësore të orientuara për eksport.
- Skema të hapura për kompanitë e huaja në bashkëpronësi me shtetas shqiptarë.
Numri i bizneseve të regjistruara në bujqësi është 5561 ndërsa sipas Ministrisë së Financave rreth 42,576 fermerë janë të regjistruar me NIPT në tatime.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
