Disa mënyra për të qenë i dobishëm në vendin e punës


Nga Chris Myers kontributor në Forbes
Mendoni për të gjitha ekipet me të cilat keni punuar gjatë gjithë karrierës tuaj. Me shumë mundësi disa prej tyre kanë qenë kalimtarë e disa të tjerë ishin të domosdoshëm për ekipin dhe organizatën në përgjithësi.

Në ditët e sotme punonjësi me të vërtetë i domosdoshëm po bëhet gjithnjë e më i rrallë. Në një botë ku të gjithë janë të shkolluar, pothuajse askush nuk është më i pazëvendësueshëm në ambientin e punës. Është përgjegjësi e punëdhënësit të krijojë një ambient të sigurt për punonjësit dhe është detyra e këtij të fundit të dijë të mbajë atë vend që i është besuar. Në këtë mënyrë ai duhet të bëhet një person i dobishëm për skuadrën dhe kompaninë.

Lexo: Si të fitoni një vend pune pa qenë të kualifikuar

Kur jeni i dobishëm në punë, jo vetëm që siguroni vendin tuaj të punës, por edhe krijoni një përshtypje të caktuar tek anëtarët e grupit apo tek shefi juaj.

Identifikoni pikat tuaja të forta
Së pari dhe më e rëndësishmja, ju duhet të zotëroni vetëdijen për të njohur pikat tuaja të forta dhe të luani në përputhje me rrethanat. Shumë shpesh njerëzit përpiqen të detyrojnë veten të ndjekin një shteg, që nuk është i duhuri për aftësitë ose interesat e tyre të veçanta. Në fillim të karrierës sime, unë rashë viktimë e kësaj sjelljeje dhe u përpoqa ta fusja veten në një rrugë, që thjesht nuk ishte e përshtatshme për mua.

Fillova karrierën time si konsulent, duke qenë se edhe studiova diçka të tillë. Unë u përqëndrova në vlerësimin e biznesit dhe raportimin financiar, duke u zhytur në botën e modelimit financiar. Ishte një përvojë e shkëlqyer për të mësuar, por  kurrë nuk isha analisti më i mirë në firmë. Financat teknike nuk janë diçka ku shkëlqen lehtësisht dhe sigurisht nuk ishte diçka për të cilën isha e apasionuar. Gjithmonë isha në ankth sepse mendoja që mund të më pushonin nga puna, pasi nuk isha i prirur teknikisht aq sa kolegët e mi. Nga kjo mësova se ende nuk i kisha nxjerrë në pah pikat e mia më të forta. Kurrë nuk do të isha analisti më i mirë në firmë dhe si rezultat, kurrë nuk do të isha i domosdoshëm në këtë pozicion.

E lashë atë punë dhe i përqëndrova përpjekjet e mia në diçka më cilësore. Unë u bashkova me ekipin e strategjisë së një kompanie të fuqishme ku edhe gjeta veten time. Në këtë kompani gjeta veten time. Më pëlqente të punoja me drejtuesit për të sjellë një vizion në jetë. Duke luajtur me forcat e mia, në vend që të përpiqesha ta detyroja veten në një rol që nuk ishte i duhuri për mua, bëra hapin e parë drejt të qenit një punonjësi të domosdoshëm.

Zhvilloni aftësi plotësuese
Pasi të keni identifikuar pikat tuaja të forta, hapi tjetër është të krijoni aftësi që plotësojnë ato forca dhe t’ju ndihmojnë të nxirrni më shumë vlera prej tyre. Shumë shpesh, punonjësit përqëndrohen ngushtësisht në aftësitë që janë thelbësore për pozicionin e tyre. Për shembull, zhvilluesit e programeve priren të kalojnë pjesën më të madhe të kohës së tyre duke mësuar teknika të reja dhe gjuhë programimi, në vend që të zhvillojnë aftësi që i ndihmojnë ata të komunikojnë në mënyrë efektive dhe të menaxhojnë përbërësit e brendshëm. Ndërsa punoja në ekipin e strategjisë në ish-firmën time, zbulova se të menduarit përmes mundësive komplekse dhe strategjive të ndryshme erdhi spontanisht. Përqëndrimi në rritjen e aftësive të mia të komunikimit ishte hapi tjetër i qartë që duhej të bëja. Punonjësit bëhen të domosdoshëm kur përqëndrohen në talentin e tyre natyror dhe zotërojnë aftësitë që i ndihmojnë ata të shfrytëzojnë sa më shumë forcat e tyre.

Puna e vështirë mbi të gjitha
Ndoshta hapi më i rëndësishëm që një punonjës mund të ndërmarrë për t’u bërë i domosdoshëm, është të punojë me njerëzit përreth tij. Kjo tingëllon qartë, por kur punonjësit marrin përsipër detyrat e tyre dhe përpiqen për të dhënë maksimumin, udhëheqja merr drejtimin e duhur. Punonjësve, të cilët janë të domosdoshëm, nuk u kërkohet llogari për orarin e ardhjes në punë apo orarin e largimit. Ata thjesht bëjnë mirë punën e tyre dhe suksesi vjen bashkë me punën.

Lexo: 7 mënyra si të keni ndikim në vendin e punës

Sipas Chris Myers qëndrimi dhe sjellja kanë më shumë rëndësi sesa aftësia natyrore. Ai dëshiron që të ketë kontakt me punonjës të zellshëm dhe të angazhuar. Kontakti me këta njerëz të jep mundësinë të kuptosh se cilat janë pikat e tyre të forta. Të tillë persona kanë aftësinë të sigurojnë një kontratë afatgjatë pune.

Forbes

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale