Disa mënyra për të dalë i fituar në çdo debat - Business Magazine Albania

Disa mënyra për të dalë i fituar në çdo debat

Nëse jeni pjesë e një komunieti të caktuar, padyshim që edhe debatet janë pjesë e pandashme e ditës tuaj. Këto debate mund të vijnë si rrjedhojë e një keqkuptimi, konkurrence apo dëshirës për të përformuar sa më mirë në punë.

Përgjithësisht, debati përfundon në ngritje zëri dhe hatërmbetje. Të bindësh personin që ke përballë që ajo që ti po i arsyeton është e drejtë, është shumë e vështirë. Ekzistojnë disa taktika që ju të arrini qëllimin e debatit, pra të arrini t’i mbushni mendjen për vërtetësinë e fakteve që i ofroni personit që keni përballë, dhe mbi të gjitha edhe të gëzoni respektin e tyre.

Përdorni këto mënyra për të dalë i fituar përballë një debati:

Tregoni se e kuptoni perspektivën e tij
Askujt nuk i pëlqen që t’i hidhen poshtë argumentat, apo të ndihet i injoruar. Nëse këmbëngulni në çdo gjë që thoni, atëherë personit përballë do t’i duket sikur keni interesa vetëm rreth pikpamjes tuaj dhe se opinion i tij nuk ju intereson aspak. Kjo gjë do t’i bëjë ata të mbyllen në vetvete dhe të mos e vazhdojnë më tej diskutimin. Jini të hapur dhe pyesni për çdo gjë që është e rëndësishme. Për shembull, “Pse ndihesh kështu?” “Jeni nxehur, pra unë kam të drejtë”?

Parafrazimi dhe pasqyrimi i ideve të tyre tregon gjithashtu mirëkuptimin tuaj. Ju mund të inkurajoni duke thënë “Nga ato që po dëgjoj, ju shqetësoheni sepse mendoni se nuk bëj punë të mjaftueshme në shtëpi. Është kjo e saktë?”

Mundohni të fokusoheni tek gjërat e përbashkëta
Nëse i jepni shkak personit përballë që të mendojë se po punoni për një zgjidhje të përbashkët, personi zakonisht do të ndihet më i prirur për të bashkëpunuar. Mos harroni, ju keni të paktën një gjë të përbashkët: Të dy dëshironi të merrni rrugën tuaj. Të pranosh këtë mund të të ndihmojë. Nëse i tregoni se keni mendje të përbashkëta dhe se dëshironi të punoni fort me ta për të marrë një zgjidhje, atëherë përveçse do të jeni më miqësor, do të jeni më tepër bashkëpunues.

Respekti është parësor
Veprimet jo të mirëmenduara, mund të bëjnë që të tjerët të humbasin respektin për ju dhe besueshmërinë gjithashtu. Nuk ka rëndësi sa të kundërta janë këndvështrimet tuaja ose sa të vjetra apo jashtë kohe janë ato; mbetet fakt se humbja e kontrollit do të dëmtojë përshtypjen e tyre për ju dhe vetërespektin tuaj. Asnjëherë mos gaboni të flisni ose të veproni në një mënyrë fyese ose ulëse vetëm, sepse dikush është më i ri ose më i papërvojë. Gjithsecili ka të drejtë që të shprehet lirshëm dhe madje të jetë i informuar gjatë gjithë kohës.

Mos kërkoni pse-në
Nëse keni një debat me dikë, ka më shumë të ngjarë të fitoni nëse mund t’i ndihmoni ata të shohin gabimet në arsyetimin e tyre, sesa nëse thjesht listoni arsyet se pse mendoni që ata janë gabim.

 Flisni me prova dhe jo “në ajër”
Si qenie njerëzore, ndikohemi shumë shpejt nga ajo që ndodh rreth nesh dhe sjelljet e atyre që na rrethojnë. Kemi edhe vetinë që nëse shumë njerëz kanë të njëjtin mendim, edhe ne do të mendojmë si ata sepse kështu mendon shumica, por jo gjithmonë shumica ka të drejtë.  Çdo individ duhet të besojë fort tek argumentat e tij dhe të jetë i bindur në atë se çfarë bën dhe thotë. Gjuha e trupit flet shumë. Nëse e përdorni atë në mënyrën e duhur, me shumë gjasa do të jeni fitues në çdo debat.

Powerful Mind

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0