Digidog është qeni policor në New York, i cili po punon prej pak javësh në departamentin e policisë në Nju Jork. Të ngjashmit e tij quhen Bolt dhe Mac & Cheese.
Kompania e tyre krijuese i quan vetëm me një emër: “Spot”. Ato janë qentë robotë në mbështetje të policisë lokale. Qentë autonomë janë prodhuara nga kompania amerikane Boston Dynamics. Vetëm një prej tyre kushton rreth 75 mijë dollarë.
Lexo: Kosova do të ketë një revistë për Smart Home&IoT
Sipas agjentëve të policisë, qentë robotë pritet të përdoren në situata të rrezikshme për vetë policët njerëz. I tillë është rasti kur në një banesë ndodhet ndonjë i dyshuar si keqbërës.
Qentë robotë blihen zakonisht nga kompanitë, që do t’i vendosin në vend të rojeve. Një robot peshon rreth 40 kilogramë dhe policia amerikane po nis t’i përdorë në terren.
Qentë janë të pajisur me sirena e drita, duke na kujtuar skena të ngjashme si në serialin “Black Mirror”, i cili flet për të ardhmen. Ato mund të kontrollohen me telekomandë dhe të transmetojnë imazhe të asaj që shohin.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
