Dhurohen qindra milionë euro për restaurimin e katedrales Notre Dame


E gjithë bota po flet për zjarrin që përpiu pasditen e djeshme katedralen 850-vjeçare Notre Dame në Paris, e cila brenda pak orëve u shkrumbua nga flakët.

Notre Dame është objekti simbol jo vetëm i Parisit, por i gjithë botës. Kjo ngjarje e rëndë ka tërhequr vëmendjen e të gjithë botës si dhe ka sjellë reagime nga krerë të ndryshëm shtetesh duke përfshirë dhe krerët e shtetit shqiptar. Presidenti francez Emmanuel Macron ka shprehur që ngjarja po trajtohet si emergjencë kombëtare. Katedralja vizitohet nga më shumë se 13 milionë turistë çdo vit, pra rreth 35,000 turistë çdo ditë.

Menjëherë pas kësaj tragjedie, donatorë të ndryshëm kanë premtuar se do të dhuronin qindra miliona euro për restaurimin e katedrales Notre Dame.

Multi-miliarderi Bernard Arnault, kreu i grupit të mallrave luksoze LVMH, menjëherë u bë donatori më i madh që do të rindërtojë katedralen, me 200 milionë euro.

Manjati francez Francois-Henri Pinault, i cili është i martuar me aktoren e Hollywood Salma Hayek, ka ofruar 100 milionë euro (86.2 milionë paund) pasi presidenti Emmanuel Macron paraqiti një apel.

Grupi LVMH vë në dispozicion të shtetit dhe autoriteteve përkatëse të gjitha ekipet e tij, krijuese, arkitekturore, financiare, për të ndihmuar në punën gjatë rindërtimit nga njëra anë dhe për mbledhjen e fondeve nga ana tjetër.

Fondacioni Heritage i Francës ka nisur një “mbledhje kombëtare fondesh” në faqen zyrtare të internetit.

Valerie Pecresse, presidente e rajonit të Ile-de-France, ka zbuluar një buxhet prej 10 milionë eurosh të ‘ndihmave emergjente për të ndihmuar kryepeshkopin që të fillojë nga puna’.

Anne Hidalgo, kryebashkiake e Parisit, tha se do të organizojë ‘një konferencë ndërkombëtare donatorësh’ për të mirëpritur ‘ekspertët që janë në gjendje të mbledhin fonde’.

Të gjithë po mundohen të dhurojnë me aq sa mundet për simbolin francez.

‘Puna me siguri do të marrë vite, madje dhe dekada, por do të kërkojë mijëra metra kub druri. Duhet të gjejmë mostrat më të mira, me diametra të mëdhenj,‘ tha stacioni i radios Sylvain Charlois i grupit Charlois në Murlin, në qendër të Francës.

Agjencia kulturore e Kombeve të Bashkuara, UNESCO, gjithashtu ka premtuar të qëndrojë ‘në anën e Francës’ për të rindërtuar vendin, të cilin ajo e shpalli si një vend i trashëgimisë botërore në vitin 1991.

Kjo erdhi pasi presidenti francez, Emmanuel Macron foli emocionalisht jashtë katedrales gotike dhe tha se një fushatë kombëtare për mbledhjen e fondeve për të rivendosur Notre Dame do të fillojë të martën, ndërsa ai i bëri thirrje talenteve më të mëdha në botë për të ndihmuar. Ai u shpreh se, ndërsa ‘më e keqja ishte shmangur’ dhe fasada së bashku me dy kulla kanë shpëtuar, ‘orët e ardhshme do të jenë më të vështira’.

Zjarrfikësit konfirmuan të martën në mëngjes se flakët ishin zhdukur plotësisht pasi u ndeshën me zjarrin gjatë gjithë natës. Gjithashtu është deklaruar se zjarri ka qenë aksidental, pasi katedralja ishte duke u restauruar.

/ DailyMail

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale