Dev.al ishte partner gold i Future2Tech. Prej 13 vitesh në treg, ajo nisi si një kompani e vogël, e fokusuar në shërbimet web. Nisur me një buxhet fillestar minimal, ata e dinin që mund të ecnin përpara vetëm nëpërmjet cilësisë dhe korrektësisë. Sot rezultatet u japin të drejtë. Kompania është bërë në një prej operatorëve më të rëndësishëm në tregun shqiptar të ICT, me një rol protagonist në procesin e digjitalizimit të shërbimeve publike e zhvillues të disa prej sistemeve më të suskesshëm të qeverisjes elektronike, mbi 19 mijë klientë dhe mbi 1 milionë përdorues fundorë të shërbimeve dhe produkteve që zotëron.
Lexo edhe: Njihuni me “Globs App” me 30 shtator
Avis Andoni, shefe e zyrës operative e dev.al, tregon se, fillimisht u janë gjendur bizneseve me procesin e fiskalizimit, i cili ishte një detyrim ligjor që duhet të përmbusheshin nga bizneset. Nga momenti që bizneset duhet të kalonin nga një sistem fiskal hardware, në një sistem software natyrisht që pikëpyetjet ishin të mëdha dhe hapi i parë i tyre i procesit të fiskalizimit digjital ishte i vështirë. Por më pas, kompanitë kuptuan se, përveç fiskalizimit, mund të digjitalizojnë edhe shumë procese të tjera.
“Në momentin që tregon transparencë, informacion, mbështetje kundrejt biznesit, edhe ai është më i prirur të të dëgjojë, për ta asimiluar këtë informacion dhe në momentin që e ka panoramën e qartë, edhe ai të dëgjon më qartë.
Tek ne zhvillimet teknologjike kanë ardhur më vonë se në vendet e tjera, por e mira jonë si komb është se hapi që ne bëjmë pas kësaj është shumë i madh dhe ecim me një shpejtësi të madhe për ta update-uar për çdo gjë konsumatorin.
Ne jemi në rrugën e duhur, sepse bizneset të çfarëdolloj përmase, po e kuptojnë se cili është avantazhi i dixhitalizimit të proceseve të tyre, duke i shmangur gabimet, uljen e kostove, i ndihmon në vendimmarrje dhe i ndihmon të jenë të lirshëm të bëjnë punën që ata duan të bëjnë”- shtoi znj.Andoni në fjalën e saj.
Ndiqni intervistën
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
