Gjermania do te marre ne dore matjen dhe faturimin e energjise elektrike ne Shqiperi.
Nje projekt i Deutsche Telekom per vendosjen e matesve inteligjente u deklarua dje nga Kryeministri Edi Rama, ne takimin e organizuar nga OSHEE, “Rimekembja energjetike”.
“Gjeja optimiste dhe lajmi i mire eshte qe nje nga grupet me te medha boterore, Deutsche Telekom, nepermjet grupit te vet TI-systems na ka bere nje oferte per te ndertuar nje bashkepunim, duke filluar me nje projekt pilot, qe do te jete projekti qe do te na jape mundesine te kuptojme efektshmerine e matesve ne disa zona te ndryshme”, – deklaroi Rama.
Duke dhene detaje, Kryeministri Rama tha se jane percaktuar nga kompania zonat e projektit: Alliasi, Bathorja, autostrada, tregu, rruga “5 Maji”. “Pra, jane zona me natyra te ndryshme, per te na dhene te gjithe elementet se si do te futemi ne nje proces te hapur, me çfare termash”, saktesoi Rama. Duke folur per dobine e matesve inteligjente, Rama tha se, “ne na duhet te transformojme sistemin e matesve dhe do te hyjme me matesin inteligjent. Keta mates, jo vetem qe matin çdo gje, por kane kapacitetin te lajmerojne kudo ku energjia po konsumohet dhe nuk po faturohet, kane kapacitetin inteligjent te levizin flukset energjise sipas nevojes, naten, diten ose sipas zonave, ne kohe te caktuar”.
Duke bere krahasimin me paraardhesit, Rama tha se nuk do te behen gabimet qe jane bere me kasat fiskale, te cilat kushtonin 400 mije leke, plus mirembajtja qe vazhdon paguhet nga pronaret e bizneseve. “Ne nuk do te faturojme koston e matesve tek konsumatori”, premtoi Rama. Madje Kryeministri e ka quajtur finalizimin e vendosjes se ketyre matesve si nje “çlirim te dyte” per vendin. “Objektivi yne, vazhdoi Rama, eshte qe ne kete vizion transformimi te pese viteve, ne t’i japim çdo shqiptari, mundesine qe sherbimin ta kete absolutisht serioz dhe korrekt dhe qe te paguaje, jo mijera leke me shume se ç’konsumon, por qindarke per qindarke aq sa konsumon. Qe do te thote rritje e jashtezakonshme e eficences ne shfrytezimin e ketij burimi, ulje e jashtezakonshme e humbjeve, racionalizim i energjise per çdo familje, racionalizim i burimeve per OSHEE-ne dhe me ne fund, çlirim i dyte i Shqiperise nga ky makth i madh, qe na ka shkaktuar injoranca ne raportin me kete pasuri kolosale”.
Duke folur per kete çeshtje, administratori i OSHEE, Adrian Çela tha se, “kemi programuar dy zona pilot ne Tirane dhe Durres ku do te mund te vendosim 10 mije mates inteligjente. Ky do te jete nje test paraprak per te arritur qe brenda disa vitesh te kemi shtrirjen e ketyre sistemeve moderne te matjes te te gjithe konsumatoret”.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
