Dëshironi të merrni vendime më të mira? Ja se çfarë duhet të bëni

Dëshironi të merrni vendime më të mira? Ja se çfarë duhet të bëni


Ne të gjithë kemi rrëmbyer një doner pasi ishim shumë të uritur për të pritur drekën. Po tani shkencëtarët thonë se stomaku juaj i zbrazët nuk ndikon vetëm në vendimet tuaja afatshkurtra rreth ngrënies. Mund të ndryshojë vendimet tuaja për gjëra që nuk kanë të bëjnë fare me ushqimin.

Uria do të thotë preferenca të ndryshme:

Në një studim të udhëhequr nga Dr. Benjamin Vincent nga Universiteti i Dundee, pjesëmarrësit iu përgjigjën pyetjeve në lidhje me ushqimin, paratë dhe shpërblimet e tjera kur nuk ishin të uritur dhe kur sapo kishin konsumuar një vakt. Studiuesit zbuluan se, kur njerëzit janë të uritur, ata janë më të paduruar dhe zgjedhin shpërblime më të vogla që mund t’i merrnin më shpejt. E thënë ndryshe, të kesh një stomak bosh ndryshon preferencat.

Lexo: 4 Vendime që çdo sipërmarrës i ri duhet t’i marrë para se të jetë shumë vonë

Pa ushqim, kemi probleme të shumta:

Ndërsa është më e rëndësishme të merrni vendime, sesa të kujdeseni për fytyrën tuaj, studimi tregon se të qenit i uritur mund të ndikojë në zgjedhjet tuaja në zyrë. Për shembull, ju mund të vendosni të shmangni një mbledhje të rëndësishme në vend që të fokusoheni plotësisht tek ajo, ose mund të mos jeni të fokusuar gjatë një takimi.

Pra, pranojeni se të punoni pa ngrënë mëngjes ose të punoni pa pushuar gjatë drekës ndikon më shumë në energjinë, përqëndrimin dhe produktivitetin tuaj. Kur ju konsumoni mëngjes bashkëveproni më mirë me të tjerët dhe punoni me një mentalitet afatgjatë. Duke pasur parasysh këtë, nëse keni diçka vërtetë të rëndësishme për të cilën duhet të vendosë i gjithë ekipi juaj, merrni në konsideratë një drekë të kujdesshme. Sjellja e ushqimit në tryezën e konferencave në të vërtetë mund të thotë një rezultat më i mirë.

Por, kjo lidhet ngushtë me udhëheqjen dhe kulturën e ndërmarrjeve. Njerëzit nuk hanë mëngjes dhe shmangin drekën, sepse janë të frikësuar nga dështimi, sepse ata nuk mund të heqin nga mendja idenë se më shumë është më mirë dhe fitimtarët nuk ndalojnë. Nëse dëshironi që ekipi juaj të punojë mirë, duhet të krijoni një mjedis ku nuk ndihet ky lloj presioni. Një faktor tjetër i parë nga studiuesit është se ushqimi i pamjaftueshëm është një fakt shumë i vërtetë në fuqinë punëtore. Shumë persona jetojnë një pasiguri ushqimore. Kjo do të thotë se ata nuk kanë gjithmonë qasje të mjaftueshme në ushqim, për të jetuar një jetë aktive dhe të shëndetshme.

Shumica e njerëzve nuk duan që të tjerët ta dinë se janë duke luftuar për të siguruar ushqim, kështu që kur dikush në ekipin tuaj punon me padurim nën një lente afatshkurtër, nuk duhet të supozoni se kjo është plotësisht e qëllimshme. Është e rëndësishme të kuptoni se me çfarë merren ata rreth jush dhe të përpiqeni të eleminoni sa më shumë burime pabarazie sa të keni mundësi me burime dhe mundësi të mira mbështetëse.

Në Shqipëri rreth gjysma e popullsisë jeton nën kufirin e të ardhurave prej 5 dollarë për frymë në ditë. Një studim i Bankës Botërore, ka nxjerrë në pah ndërkohë që ashpërsia e varfërisë është rreth 12%.

Gjithashtu konsumatorët përjetojnë problemin e pasigurisë ushqimore. Udhëheqësit e mirë, në mënyrë etike, thirren për të shmangur manipulimin e problemit. Dr. Benjamin Vincent vëren, se uria mund të ndikojë në atë që njerëzit blejnë. Ndaj, taktikat e kompanisë drejtuar njerëzve që kanë pasiguri ushqimore mund të ndikojnë realisht në thyerjen e ciklit të varfërisë.

Lexo: Ushqimi ndikon ne trurin e njeriut

Duke parë studimin gjerësisht, ushqimi nuk ka të bëjë thjesht me mbijetesën. Ai ndikon në aftësinë tuaj për të bërë zgjedhje inteligjente, për të gjetur rrugën në mënyrën e duhur.

INC

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0