Deri në vitin 2040, makinat elektrike mund të përbëjnë 57% të të gjitha shitjeve në botë, parashikon raporti. Makinat elektrike do të kenë një përqindje të ngjashme me shitjet e makinave komerciale të lehta në Shtetet e Bashkuara, Europë dhe Kinë.
“Ne të gjithë shohim mundësi reale që shitjet globale të makinave me pasagjerë konvencionalë të kenë arritur pikun e tyre,” tha Colin McKerracher, kreu i transportit të avancuar për BNEF.
Gjatë dy dekadave të ardhshme, shitjet globale të makinave elektrike do të rriten nga 2 milionë vitin e kaluar në 56 milionë në vitin 2040. Në të njëjtën kohë shitjet e automjeteve me karburant do bien nga 85 milionë vitin e kaluar në 42 milionë.
Kjo do të nxitet nga uljet e mëtejshme të çmimeve të baterive, të cilat kanë filluar të bien me shpejtësi. Që prej vitit 2010, kostot e baterive për kilovatorë kanë rënë me 85%, falë përmirësimeve në fabrikim dhe ekonomisë në rritje. Ndërkohë, po ndërtohen më shumë fabrika për bateritë.
Për këto arsye, makinat elektrike do të jenë më të lira se makinat me motor me djegie të brendshme deri nga mesi i vitit 2020 përsa i përket çmimit të shitjes dhe kostove afatgjata. Makinat elektrike kushtojnë më pak për t’u mbajtur dhe ngarë sepse elektriciteti është më i lirë se gazi apo nafta. Ato gjithashtu kërkojnë më pak mirëmbajtje sepse kanë më pak pjesë të lëvizshme.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
