Delegacioni i bizneseve kosovare promovon Kosovën në Edicionin e 9-të të “Promote” në Yaounde, Kamerun - Business Magazine Albania

Delegacioni i bizneseve kosovare promovon Kosovën në Edicionin e 9-të të “Promote” në Yaounde, Kamerun

Delegacioni i bizneseve kosovare promovon Kosovën në Edicionin e 9-të të “Promote” në Yaounde, Kamerun

Delegacioni i bizneseve kosovare i udhëhequr nga Florin Lata, nga Shoqëria a Avokateve; “Vokshi & Lata” dhe Besnik Sylejmani nga kompania “Hoja” se bashku me biznese nga Kosova, patën kënaqësinë të vizitojë edicionin e 9-të të Promote në Yaounde, Kamerun.

Takimet frytdhënëse nuk ishin kufizuar vetëm në bizneset lokale, ato janë zgjeruar edhe në sektorin publik.

Gjatë vizitës midis 17 dhe 22 Shkurtit, delegacioni i biznesit kosovar ka pasur nderin të takohet me individë të nderuar duke përfshirë: Ministrin e Tregtisë, Luc Magloire Atangana Mbarga, ministrin e Edukimit Bazik, profesori Laurent Serge Etoundi Ngoa, kryetarin e Yaoundé (II), Z. Yannick Ayissi, zv/presidenten e FECAFOOT, Céline Eko Mendomo.

Pas vizitës në Yaounde, një pjesë e delegacionit vizitoi qytetin kryesor ekonomik Douala, ku zhvilluan takime me zyrtarët doganorë të Portit dhe përfaqësues të bizneseve vendase dhe të shteteve fqinje.

Edhe pse kjo ishte një vizitë biznesi, delegacioni i biznesit ka treguar arritjet që Kosova ka arritur që nga pavarësia e saj.

Kameruni ende nuk ka njohur pavarësinë e Kosovës, megjithatë, këto takime biznesi si dhe takimet me zyrtarë qeveritarë ishin një mundësi e madhe për të promovuar Kosovën si një shtet i pavarur.

Lexo edhe:Prestigjozia “Cromos”: “Vizitoni Shqipërinë, shtëpinë e vendeve të shumta arkeologjike dhe trashëgimisë historike!”

Mundësitë në Afrikë janë të shumta dhe është një hap i guximshëm për bizneset kosovare të eksplorojnë këto tregje në zhvillim.

Bizneset Kosovare të cilat prezantuan produktet e tyre ishin:

Shoqëria e avokateve “Vokshi & Lata”,

Kompania e konsulentësh “Hoja”,

“Famis-Co”,

“InfinitNetwork”,

“Butterfly”, dhe

“Jaffa Plus”.

telegrafi

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0