35-vjeçari iu bashkua Tiger Woods dhe Floyd Mayweather si sportistët e vetëm, që kanë grumbulluar 1 miliard dollarë.
Cristiano Ronaldo është bërë futbollisti i parë në histori, që u bë miliarder gjatë karrierës së tij. Sipas Forbes, ylli i Juventusit fitoi mbi 1 miliard dollarë, pa përfshirë taksat vitin e kaluar.
Sulmuesi 35-vjeçar është shpallur i famshmi i katërt më i pasur në vitin 2020 nga revista Forbes, pas legjendës së tenisit Roger Federer, reperit Kanye West dhe Kylie Jenner.
Futbollisti i Barcelonës, Lionel Messi, u rendit në vendin e pestë, ndërsa sulmuesi i Paris Saint-Germain, Neymar zuri vendin e shtatë.
Pas ikonës së golfit Tiger Woods dhe ish boksierit Floyd Mayweather, Ronaldo është sportisti i tretë, që ka grumbulluar një pasuri të tillë dhe i pari, që e bën këtë në një ekip futbolli.
Lexoni: Cristiano Ronaldo i shndërron hotelet e tij në spitale
Cristiano Ronaldo ka fituar 650 milionë dollarë gjatë 17 viteve si futbollist profesionist, ndërsa pjesën tjetër të parave i ka fituar përmes kontratave. Ai ka firmosur një marrëveshje fitimprurëse të përjetshme me Nike, që nga viti 2016 dhe i është bashkuar disa markave të tjera të njohura.
Fituesi i pesë Topave Të Artë në futboll, është gjithashtu duke ndërtuar një perandori biznesi, me markën e tij të modës, zinxhirin e hoteleve dhe muzeun CR7 në qytetin e tij të lindjes, Funchal në Madeira, Portugali.
Fitimet e tij për vitin 2020 janë goditur nga pandemia e koronavirusit, paga e tij ka rënë pasi skuadra e Juventus pranoi të reduktojë pagat me 30 përqind.
Megjithëse paga e Messit këtë vit u ul në mënyrë drastike me 70% për shkak të krizës, Forbes parashikon që argjentinasi do të bashkohet me rivalin e tij të përjetshëm në klubin e miliarderëve, vitin e ardhshëm.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
