COVID-19, Apple përditëson software-in për përdoruesit e iPhone

COVID-19, Apple përditëson software-in për përdoruesit e iPhone


iPhone do të nxjerrë një përditësim të software, IOS 13.5. Ky përditësim lidhet me situatën e koronavirusit dhe mbajtjen e maskave.

Sipas ‘TechCrunch’, përditësimi i software në iPhone është i lidhur pikërisht me elementin e sigurisë së Face ID. Duke u nisur nga fakti që gjatë 2 muajve të fundit qytetarët në të gjithë botën përdorin maska për shkak të pandemisë së COVID-19 dhe kjo e bën të pamundur që iPhone të njohë fytyrën e përdoruesve, Apple ka menduar pikërisht për këtë.

Përditësimi i software në versionin IOS 13.5 do të bëjë të mundur që iPhone të shmangë automatikisht procesin e Face ID për t’u shkyçur, në rastet kur përdoruesit mbajnë maskë në fytyrë. Në të tilla raste, iPhone do të kalojë automatikisht në procesin e shkyçjes përmes kodit 6-shifror në mënyrë manuale, duke anashkaluar procesin e Face ID.

Sipas ekspertëve të teknologjisë, kjo është një risi pozitive, pasi përdoruesit e iPhone do të shmangin heqjen e maskës nga fytyra me qëllim që telefoni i tyre të njohë tiparet për Face ID. Përditësimi në IOS 13.5 do të mundësojë kalimin direkt tek vendosja e kodit 6-shifror në rastet kur përdoruesi mban të veshur maskë, gjë që do të evidentohet automatikisht nga iPhone.

Aktualisht përdoruesit e iPhone, që kanë veçorinë e Face ID janë të detyruar të presin deri sa telefoni i tyre të mos verifikojë dot tiparet e fytyrës në rastet kur mbajnë maskë, dhe më pas u kërkohet që të shkyçin aparatin përmes kodit 6-shifror.

Mbetet për t’u parë nëse ky përditësim i iPhone do të jetë edhe në softwaret e tjerë që do të pasojnë IOS 13.5.

TechCrunch

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #26 - Korrik 2021

Ditët e nxehta të kësaj vere mund t’i freskoni me artikujt e revistës 26 të Businessmag. Një numër i pasur me artikuj rreth sipërmarrjeve në fusha të ndryshme, por edhe profileve interesante të sipërmarrësve. Që në kopertinë vini re dy djem që po çojnë përpara sipërmarrjen e ngirur nga prindërit. Një model për t’u ndjekur nga shumë sipërmarrje të tjera. Idetë e reja, nismat e reja në biznes sot janë më të rëndësishme se kurrë për të mundësuar suksesin.
Zhvillimet në disa tregje mund t’i gjeni në brendësi të revistës. Të tilla janë tregjet e real estate dhe ai i shërbimit postar.

Zhvillimet në fushën e teknologjisë këtë vit vijnë me 10 gjetjet më të rëndësishme teknologjike, të cilat janë orientuar shumë drejt zhvillimeve shëndetore.

Diaspora vjen me profilin e një sipërmarrëseje në fushën e stilimit dhe qepjes së veshjeve. Ornela ka arritur të hapë tre dyqane shërbimi, ku përshtaten brandet më të mëdha sipas nevojave të klientit.

Edukimi është një temë e prekur nga ne në këtë numër, pasi sfidat e edukimit në këtë vit pandemik kanë qenë të mëdha. Sjellim dy akademi me zhvillimet e tyre dhe qasjen ndaj edukimit gjatë pandemisë, si dhe mundësinë e edukimit të fëmijëve në format më të mira të mundshme.

Në brendë…

Shiko më shumë
Na ndiqni në rrjetet sociale
0