Ekipi i COPI përbëhet nga Gledis Qose, 19 vjeç, i cili studion pranë Kolegjit Profesional të Tiranës në vitin e dytë dega Elektronikë, si dhe anëtarët e tjerë Ervis Qose, Albjon Prenga dhe Marsel Tabaku.
Në një intervistë për BusinessMag Gledis na tregon se COPI është një mënyrë inovative se si biznesi mund të lidhet drejtpërdrejt me klientin, duke bërë të mundur që ky i fundit të japë përshtypjet e tij për shërbimin apo produktin e ofruar. Duke bërë këtë, biznesi ku COPI do të vendoset do të shikojë se si mund të përmirësojë shërbimin apo produktin. Si dhe bizneset dhe institucionet mund të marrin vlerësime nga klientët e tyre për shërbimet dhe produktet në mënyrë shumë të thejshtë dhe anonime. Gjithashtu nëse klienti dëshiron mund të japë një koment më të detajuar dhe pronari apo menaxheri i biznesit mund të shikojë këto të dhëna në formë grafiku në llogarinë e tij personale që aksesohet në website https://customeropinion.al dhe së shpejti do të ketë edhe një aplikacion.
“Duke parë që bizneset apo institucionet kanë nevojë për opinionin e klientit dhe klienti ka nevojë për një sistem sa më të thjeshtë, ne menduam të bëjmë një sistem sa më të thjeshtë në përdorim nga klientët në krahasim me sistemet e tjera si Aplikacionet Mobile apo Web,” tha Gledis.
Sistemi mendohet të ketë një tarifë mujore që përfshin pajisjen (customize sipas dëshirës së klientit), suportin si dhe llogarinë në të cilën klienti akseson të dhënat.
Ashtu si çdo startup në fillimet e veta nevoja për financim ka qenë një ndër problematikat e hasura edhe pse një pjesë të mbështetjes financiare për projektin si dhe ambjentin e punës skuadrës ja ka siguruar KPT HUB.
Në një studim tregu cunat e COPI thonë se në Shqipëri nuk ekziston për momentin asnjë platofrmë e ngjashme.
“Pika jonë e fortë është rregullimi (Customize) i pajisjes sipas dëshirës së klientit, dërgimi i njoftimeve, gjithashtu çdo vlerësim është anonim dhe kjo pajisje mund të punojë deri në 4 muaj vetëm me një karikim,” këto janë disa nga avantazhet e pajisjes sipas Gledis.
Gledis thotë për BusinessMas se mënyra që ata kanë ndjekur për promocimin e pajisjes kanë qenë rrjetet sociale, emisionet televizive, panairet si dhe kanë arritur të vendosin prototipe në ambientet shkollore.
Shumë shpejt pritet të fillojnë shitjet dhe të krijohet një brand, ku qëllimi primar është tregu shqiptar e më pas vendet fqinje.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
