Në një bisedë me bashkëthemelueset e ConsciESG, Briseida dhe Adeliada, njohim historinë e tyre dhe si ky startup ka ndryshuar praktikat e investimeve të qëndrueshme në një masë globale.
ConsciESG (ESG-Environmental, Social and Governance) ka lindur nga një kombinim i përvojës në menaxhimin korporativ dhe kërkimeve shkencore. Bashkëthemelueset, Briseida, me një përvojë të pasur në menaxhimin e korporatave ndërkombëtare dhe Adeliada, me një përvojë të fortë në kërkime shkencore, u frymëzuan nga nevoja për një zgjidhje inovative për tregun e aseteve nën menaxhim, veçanërisht në një kohë kur akuzat e “greenwashing”-ut ishin në pikën më të lartë. Ato fillimisht zhvilluan një model shkencor për të vlerësuar përparimin e korporatave në përmbushjen e objektivave të tyre ESG dhe më pas krijuan platformën ConsciESG për të sjellë këtë model në treg.
Platforma ConsciESG tashmë mbulon 3000 kompani globalisht dhe të gjithë New York Stock Exchange me të dhëna, analiza e benchmark ESG.
Cili është ndikimi i ConsciESG në transformimin e investimeve ESG: Si ka ndryshuar praktika e investimit?
ConsciESG ka ndikuar thellë në praktikat e investimit ESG duke e bërë ESG-në një mjet për të arritur performancë pozitive në portofolet e investimeve. Duke përdorur platformën e tyre, menaxherët e aseteve mund të identifikojnë kompanitë që kanë një performancë më të mirë në fushën e ESG-së dhe të përqendrojnë investimet e tyre në to. Kjo, jo vetëm që sjell përfitime financiare, por gjithashtu rrit transparencën në sektorin e investimeve, duke e bërë të mundur angazhimin e klientëve në nivel të individëve me kompanitë në portofolet e tyre.
ConsciESG ka sjellë një mënyrë të re për menaxhuesit e aseteve, duke u mundesuar atyre përdorimin e ESG-së si një instrument për të arritur përformancë më pozitive të portofolëve të tyre të investimeve. Një fond, i cili përdor platformën tonë, arrin të ndërtojë portofole asetesh publike që mbiperformojnë financiarisht benchmark-e të njohura si S&P me 19%.”
Platforma ConsciESG gjithashtu ka arritur gjithashtu të sjellë më tepër transparencë, jo vetëm për sektorin e aseteve publike, por edhe për asetet private nën menaxhim. Specifikisht, platforma ConsciESG i mundëson klientëve që të angazhohen në mënyrë më aktive me kompanitë që mbajnë në portofole, nëpërmjet një instrumenti raportues i cili mundëson mbledhjen, strukturimin dhe përpunimin e të dhënave në analiza në një databazë qëndrore në nivel fondi, portofoli e aseti.
Për të lexuar të plotë artikullin ju mund të abonoheni Këtu
Sfidat në zhvillimin e platformës ConsciESG dhe si janë adresuar ato
Gjatë zhvillimit të platformës, bashkëthemelueset kanë hasur në disa sfida të cilat i kanë adresuar me guxim dhe inovacion. Një nga sfidat kryesore ishte mungesa e ekspertizës rajonale dhe infrastrukturës, por ato e kaluan këtë sfidë duke zhvilluar një rrjet global të kontakteve dhe duke fituar mbështetjen e lojtarëve kyç në fushën e qëndrueshmërisë. Po ashtu, duke fokusuar në tregjet e tyre kryesore, ato arritën të fitonin besimin e gjigandëve të industrisë së menaxhimit të aseteve.
“Fokusi në vendet nordike dhe në SHBA, që prej fillimit të ndërtimit të produktit e feedback-u i hershëm i gjigandëve të industrisë së menxhimit të aseteve si Putnam Investments, StateSteet, MassMutual, na ndihmuan të fitonim sigurinë në ndërtimin e produktit. Më pas, përmes kualifikimit në programin rigoroz Fintech Sandbox, arritëm të zhvillonim tre partnership-e me gjigandët e datave financiare ESG si Morningstar, Factset e Dow Jones dhe të vërtetonim performancën e zgjidhjes sonë, duke e afirmuar kështu startup-in në nivel global.”
Si funksionon platforma SaaS e ConsciESG për të gjurmuar dhe optimizuar ndikimin ESG krahasuar me kthimet financiare?
Platforma e ConsciESG është e vetmja platformë e cila mundëson ndërtimin e portofoleve me një performancë optimale ESG dhe financiare. Specifikisht, bazuar në një algoritëm i cili vendos ESG në shërbim të rendimenteve të aksioneve, platforma siguron optimizimin e të dy indikatoreve, impakt ESG edhe performancës financiare njëkohësisht.
Përfshirja në programe prestigjiozë dhe fitimi i grantit nga UNDP BOOST: Si u arrit kjo?
Për të përshpejtuar rritjen dhe zhvillimin e tyre, ConsciESG ka qenë pjesë e programeve prestigjoze si Fintech Sandbox në SHBA dhe ka fituar grantin nga UNDP BOOST. Ato arritën këto suksese duke aplikuar në shumë programe dhe duke treguar potencialin e tyre për të ndryshuar industrinë e investimeve të qëndrueshme.
Plani për të qëndruar në krye të inovacionit dhe të zhvilloni zgjidhje të reja për investimet ESG: Si do të bëhet kjo?
Për të qëndruar në krye të inovacionit në fushën e investimeve të qëndrueshme, ConsciESG është duke punuar vazhdimisht në zhvillimin e zgjidhjeve të reja dhe në trajnimin e modeleve të tyre AI. Ato janë duke investuar në zhvillimin e datasetit të tyre të të dhënave ESG dhe po përgatiten të ofrojnë një version të rinovuar të platformës së tyre në muajt në vijim.
ConsciESG është një shembull frymëzues i asaj se si inovacioni dhe pasioni mund të ndryshojnë praktikat e investimeve të qëndrueshme në një masë globale.
Bashkëthemelueset Briseida dhe Adeliada kanë udhëhequr rrugën me një qasje të përkushtuar ndaj transparencës, performancës dhe qëndrueshmërisë. Ata kanë arritur të ndërtojnë një platformë që jo vetëm ndihmon investitorët të bëjnë zgjedhje më të informuara, por gjithashtu të ndikojnë pozitivisht në shoqëri dhe mjedis.
Suksesi i ConsciESG tregon fuqinë e teknologjisë dhe të dhënave për të sjellë ndryshime të rëndësishme në botën e financave dhe është një dëshmi e fuqisë së grave në teknologji dhe sipërmarrje. Me vazhdimin e përqafimit të praktikave të qëndrueshme, ConsciESG është vendosur të bëhet një lojtar kyç në formësimin e së ardhmes së investimeve të qëndrueshme.
Nga Eni Muça
Artikulli u publikua më parë në faqen 60 të numrit 34 të revistës Business Magazine Albania. Business Magazine Albania është revista e parë dixhitale me përmbajtje origjinale në shqip të orientuar nga fusha e biznesit. Ju mund të Shfletoni Këtu nr. 34 të saj.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
