Më 10 Dhjetor, në Shkup, Maqedoni, organizohet forumi me titull “Ekonomia e re – Bizneset që krijojnë vlera ekologjike, sociale dhe ekonomike”.
The Companies Doing Good Forum është një format i integruar që ofron mundësi për lidhje dhe integrim optimal të kapaciteteve të subjekteve afariste, institucioneve dhe sipërmarrjeve sociale, përmes transferimit të njohurive në lidhje me metodologjitë e provuara globalisht që krijojnë ndryshime të qëndrueshme.
Qëllimi i Forumit është promovimi i sipërmarrjes sociale, zhvillimi ekonomik lokal, modele alternative të financimit për institucionet e shoqërisë civile dhe fuqizimi i personave në disavantazh, duke mbledhur së bashku më shumë se 100 përfaqësues të bizneseve, institucioneve relevante dhe sektorit qytetar nga pesë shtetet e Ballkanit Perëndimor ku projekti GIZ SoRi është duke promovuar në mënyrë aktive qasjen e sipërmarrjes sociale.
CEED Albania, si pjesë e këtij projekti, u ofron mundësinë 4 sipërmarrësve për të mbuluar kostot kryesore:
– Pjesëmarrja në forum
– Kostoja e transportit
– 1 natë në hotel
Palëve të interesuara u kërkohet që të dërgojnë një email tek dguga@ceed-albania.org me të dhënat: Emër, mbiemër, emrin e kompanisë dhe fushën e operimit të kompanisë, deri në datën 5 Dhjetor 2018, ora 12:00.
Për më shumë informacion klikoni këtu.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
