Çmimet e kafesë ekspres në Evropë: Më e shtrenjta në Kopenhagë, Tirana më e lirë - Business Magazine Albania

Çmimet e kafesë ekspres në Evropë: Më e shtrenjta në Kopenhagë, Tirana më e lirë

Çmimet e kafesë ekspres në Evropë: Më e shtrenjta në Kopenhagë, Tirana më e lirë

Ka një diferencë çmimi prej 3.30 euro mes ekspresit më të shtrenjtë dhe atij më të lirë. Studimi vjen nga revista gjermane Travelbook, e cila ka analizuar çmimet në 42 qytete në kontinentin e vjetër. Në Evropë, çmimet e kafesë ndryshojnë (madje shumë) nga një kryeqytet në tjetrin. Revista e udhëtimit Travelbook u përpoq të kuptonte se sa kushton një filxhan kafe në Evropë. Për “Espresso-Index” janë analizuar dhe krahasuar më shumë se 400 menu në 42 qytete. Në Kopenhagë, Paris, Oslo apo Bruksel, një ekspres mund të kushtojë deri në 4 euro. Duhet të bëjmë një sqarim. Këto janë çmime mesatare, pasi kafeja mund të kushtojë edhe më shumë. Cilat janë qytetet ku një kafe kushton më pak? Sa më shumë të shkoni në lindje ose në jug, aq më i ulët është çmimi i një filxhani kafeje. Çmimi i një ekspres është veçanërisht ekonomik në Gadishullin Ballkanik ose Iberik.

Kafeja më e shtrenjtë – Kopenhagën, Danimarkë
Danimarka është vendi ku kafeja kushton më shtrenjtë në Europë, mesatarisht, 4 euro.

Bernë, Zvicër

Për një filxhan kafe në qytetin zviceran do të shpenzoni mesatarisht 3.96 euro.

Reikjavik, Islandë

Në kryeqytetin islandez, Reikjavik, kafeja kushton 3.16 euro.

Paris, Francë

Një ekspres në një bar në Ville Lumière kushton mesatarisht 2.87 euro.

Monako, Montekarlo

Në kryeqytetin e Principatës, një filxhan kafeje kushton mesatarisht 2.85 euro.

Vjenë, Austri

Çmimi për një ekspres në kryeqytetin austriak, sipas Espresso-Index të revistës gjermane Travelbook kushton 2.75 euro.

Londër, Britani e Madhe

Në kryeqytetin anglez, do të shpenzoni mesatarisht 2.70 euro.

Stokholm, Suedi

Ndër qytetet ku kafeja kushton shumë është edhe Stokholmi, 2.68 euro.

Andorra la Vella, Principata e Andorrës

Në kryeqytetin e Principatës së Andorrës (me rreth 23 mijë banorë), një kafe kushton mesatarisht 1.10 euro.

Qyteti i San Marinos, San Marino

Çmimi për një ekspres në San Marino është 0.98 euro

Luksemburg

Në kryeqytetin e Luksemburgut, kafeja kushton 2.66 euro.

Prishtinë, Kosovë

Një filxhan kafe në Prishtinë, në Kosovë, ku po zhvillohet Bienalja Europiane e Artit Bashkëkohor, Manifesta 2022, kushton 0.90 euro.

Shkup, Maqedoni e Veriut

Në Shkup, kryeqyteti i Maqedonisë së Veriut, shpenzohen mesatarisht 0,89 euro.

Kafeja më e lirë – Tiranë, Shqipëri

Një filxhan kafeje në Tiranë ka çmimin më të mirë, mesatarisht 0.70 cent, pra 3.30 euro më pak se në Kopenhagën, kryeqyteti i “kafesë së shtrenjtë”.

Romë, Itali

Sipas Espresso-Index të revistës gjermane “Travelbook”, në kryeqytetin italian, një kafe kushton mesatarisht 1.12 euro.

Lisbonë, Portugali

Në kryeqytetin portugez, kafeja kushton mesatarisht 1.13 euro.

Sarajevë, Bosnjë-Hercegovinë

Në kryeqytetin e Bosnjë-Hercegovinës, një ekspres kushton mesatarisht 1.15 euro.

Chișinău, Moldavi

Në kryeqytetin e Republikës së Moldavisë, në Europën Lindore, me thuajse 700 mijë banorë, kostoja e një kafeje është 1.17 euro.

Beograd, Serbi

Në kryeqytetin serb, një ekspres kushton mesatarisht 1.19 euro. voxnews

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0