Clubhouse, rrjeti social i momentit - Business Magazine Albania

Clubhouse, rrjeti social i momentit

“Clubhouse”, rrjeti social i momentit, ku çdo ndërveprim bëhet nëpërmjet zërit ka një konfirmim global tashmë. Të hënën, aplikacioni audio rrëzoi shërbimin e njohur të mesazheve Telegram në Gjermani, duke u renditur në vendin e dytë në listën e aplikacioneve më të shkarkuara më shpesh në Apple App Store. Në Austri, Clubhouse renditet në vendin e pestë, përpara Facebook dhe Facebook Messenger. Signal është gjithashtu në vendin e parë në këtë vend, i ndjekur nga Telegram, Beer Buddy dhe WhatsApp.

Me Clubhouse, përdoruesit mund të dëgjojnë biseda si një podcast direkt ose të marrin pjesë në diskutime. Në kontrast me rrjetet si Twitter, ju nuk mund të komentoni me shkrim postimet ose të bëni “pëlqime”. Aplikacioni aktualisht është i disponueshëm vetëm për përdoruesit e iOS.

Rrjeti social i bazuar në audio nuk përmban fotografi ose video, vetëm dhoma bisedash publike dhe private. Përdoruesit kanë vetëm fotografi të profilit dhe ndjekës. Bisedat nuk regjistrohen; përdoruesit e kapërcejnë këtë duke transmetuar drejtpërdrejt biseda në platforma të tjera, përfshirë YouTube.

Themelimi i Clubhouse përkoi me fillimin e pandemisë së koronavirusit, në Mars 2020. Aplikacioni me bazë në San Francisko drejtohet nga kompania Alpha Exploration Co., e cila investoi 12 milion dollarë për krijimin e këtij aplikacioni dhe aktualisht numëron vetëm 10 punonjës.

Bosi i Teslas dhe Space X i është bashkuar platformës duke iu lënë një takim ndjekësve të tij të shumtë në Twitter, për të folur për tema të ndryshme, duke grumbulluar kështu 5 mijë persona që është edhe numri maksimal i ndërveprimit njëkohësisht.

Musk ka folur për misionin e tij për të dërguar njerëz në Mars, për projektin Neuralink për krijimin e një ndërfaqeje që lidh trurin me makinën, por edhe për Bitcoin, projektet e Teslas për inteligjencën artificiale etj.

NY POST

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #28 - Prill 2022

Si sipërmarrës e keni dëgjuar, madje e keni predikuar shprehjen: jeta nuk bëhet më e lehtë, thjesht ju bëheni më të fortë. Kësaj radhe po e përjetojmë siç nuk e kishim imagjinuar.

Ndërsa po synonim të dilnim nga kthetrat e pandemisë, një tjetër plagë goditi Europën. Sulmi rus ndaj Ukrainës, i pakonceptueshëm nga bota moderne, erdhi si një Tsunami në Europë dhe madje në të gjithë Botën. Lufta me armë shkatërruese, deri tek kërcënimi i përdorimit të armëve nukleare, po sjell një dëm të jashtëzakonshëm për Ukrainën dhe popullin e saj. Mijëra të vrarë dhe mbi 4 milionë të shpërngulur nga vendi, pavarësisht rezistencës së fortë dhe të paparashikuar të ukrain- asve.

Zhvillimet dinamike në më pak se një muaj, çuan në vendime të pamenduara më parë për dhjetëra kompani ndërkombëtare. Tregjet e lëndëve të para panë çmime të rritura me ritmet më të larta të 40 viteve të fundit, ndërsa sheshet në kryeqytetet botërore, përfshirë Tiranën, pritën protestat, fillimisht kundër luftës e më tej kundër rritjes së çmimeve. Më 8 Mars, Çmimi i Naftës kaloi nga 199 lekë/litër në 260-270 lekë për litër, ndërsa po gjatë marsit, çmimi i bukës masive kaloi nga 80 lekë në 100 dhë së fundi 120 lekë. Qeveria ngriti komitete për të …

Shiko më shumë
Na ndiqni në rrjetet sociale
0