Gjigandi amerikan bankar, Citigroup së fundmi është përballur me një problem të madh, pasi gabimisht ka transferuar 175 milion dollarë për Menaxhimin e Brigadës Kapitale, dhe fondi i mbrojtjes nuk i ka kthyer paratë. Citigroup ngriti një proces gjyqësor të hënën në Qarkun Jugor të New York-ut, duke kërkuar kthimin e fondeve për të cilat tha se ishin transferuar në një “gabim operacional”.
Mediat ndërkombëtare bëjnë me dije se paratë janë pjesë e 900 milionë dollarëve që banka u transferoi në mënyrë aksidentale kreditorëve të kompanisë kozmetike. Në reagimin e tij, Citigroup bën me dije se në lidhje me këtë duhet të dërgonte vetëm 1.5 milionë dollarë Brigade Capital, por pas gabimit operacional, ka ndodhur që të bëhet transferimi gabimisht i shumës 175 milion dollarë .
“Kur Citibank zbuloi gabimin, menjëherë u kërkoi marrësve që të kthejnë paratë e saj,” thuhet në një deklaratë të bankës së tretë më të madhe të Amerikës. Një pjesë e përfituesve të këtyre parave të transferuara gabimisht i kanë kthyer tashmë ato, por Brigade jo. Citigroup këmbëngul se paratë i takojnë bankës dhe jo Revlon-it.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
