Një grup shkencëtarësh të lidhur me kompaninë e Elon Musk, Neuralink, botoi një dokument muajin e kaluar rreth një sistemi të ri që po zhvillojnë për futjen e çipeve në trurin e njeriut.
Dokumenti përshkruan teknikën e re se si një “makinë qepëse” realizon futjen e sondave në trurin e subjekteve, për qëllime të monitorimit jo invaziv të aktivitetit të trurit.
Lexoni: Suedia po zëvendëson kartat e identitetit me mikroçipë nën lëkurë
Bloomberg raporton se të gjithë autorët pas dokumentit janë ose të punësuar ose të “lidhur ngushtë” me Neuralink, ndërmarrjen e Elon Musk.
Studiuesit testuan teknikën e re në minjtë laboratorikë. “Kjo qasje tregon rrugën drejt një brezi të ri të ndërfaqeve nervore të shkallëzueshme, të qëndrueshme dhe të sigurta, si për studimin bazik shkencor të funksionimit të trurit ashtu edhe për aplikimet klinike,” thuhet në dokument.
Shkencëtarët heqin një pjesë të kafkës së miut, më pas makina qepëse punon duke përdorur një gjilpërë për të futur me shpejtësi shumë elektroda polimere në tru, të cilat janë të lidhura me një qark në anën e pasme të kokës së miut, i cili regjistron informacion në lidhje me aktivitetin e trurit të tij.
Diagrami më poshtë tregon mënyrën se si funksionon. A dhe C përshkruajnë elementet e të ashtuquajturës makinë qepëse, ndërsa B tregon elektrodat që futen në tru. Së fundi, D tregon një gjilpërë që udhëzon elektrodat në tru.
Teknika e makinës qepëse është një rrugë e gjatë për të qenë një realitet për njerëzit. Dokumenti ende nuk është shqyrtuar nga të tjerët dhe vetë teknikat nuk janë ende të pagabueshme edhe për minjtë. Ndonëse implanti zgjati më shumë se dy muaj për dy nga minjtë eksperimentalë, funksionimi i qarkut përkeqësohet para kohe.
Lexoni: Elon Musk të rinjve ambiciozë: “Aftësitë vlejnë më shumë se diploma”
Neuralink është një nga sipërmarrjet më sekrete të Musk. Kompania u themelua në vitin 2016, por përfshirja e Musk nuk ishte publikisht e njohur deri në Mars të vitit 2017 kur The Wall Street Journal zbuloi se ishte ai themeluesi. Që atëherë Musk ka thënë se shpreson që kompania një ditë mund të mundësojë rritjen e ndihmës të IA për aftësitë njohëse njerëzore.
burimi: BusinessInsider
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
