Cili shtet ka menaxherët më të paguar në Ballkan? - Business Magazine Albania

Cili shtet ka menaxherët më të paguar në Ballkan?


Sipas një studimi të ndërmarrë në nëntë vende të Europës Qendrore dhe Lindore nga Paylab, një agjenci ndërkombëtare për kërkimet në lidhje me pagat, ata që punojnë në Pragë janë më të mirëpaguarit; në vend të dytë janë ata që punojnë në Bratislavë; Zagrebi renditet në vend të tretë.

Paylab mori në analizë pagat e menaxherëve gjatë vitit të kaluar në Kroaci, Sllovaki, Hungari, Republikën Çeke, Letoni, Bosnjë dhe Hercegovinë, Estoni, Lituani dhe Serbi. Studimi tregoi se menaxherët në Pragë dhe në Bratislavë janë më të mirëpaguarit, ndërsa ata të cilët punojnë në vendet baltike janë më pak të paguarit.

Paga mesatare bruto mujore, duke përfshirë shpërblimet, është më e lartë në Pragë (3,980 euro në muaj), tre herë më e lartë se mesatarja e pagës mujore e menaxherëve në kryeqytetin çek. Praga ndiqet nga Bratislava, ku menaxherët paguhen 3,702 euro në muaj ose gjashtë herë më shumë se paga mesatare në qytet.

Zagrebi renditet në vend të tretë, me një pagë mesatare bruto mujore 3,131 euro, e cila është më e larta ndër pagat e menaxherëve në rajonin e Ballkanit. Në të njëjtën kohë kjo është 2.5 herë më e lartë se paga mesatare në Zagreb.

Menaxherët në Vilnius, Lituani, kanë pagën më të ulët mesatare bruto, 1,567 euro. Në përgjithësi, vendet baltike kanë një diferencë më të vogël ndërmjet pagave të menaxherëve dhe pagës mesatare në përgjithësi, 1.7 herë.

Një analizë e raportit mes pagave të paguara në kryeqytete me pjesën tjetër të qyteteve tregon se ato janë më të larta në rastin e parë.

Në bazë të këtij kriteri, pagat më të mira janë në Bratislavë, ku paga mesatare bruto është 1,400 euro në muaj. Në Bratislavë ka dallime mes pagave në kryeqytet dhe në pjesën tjetër të vendit (ndryshimi 20%).

Dallime domethënëse vihen re edhe në Republikën Çeke, Kroaci, Hungari dhe Bosnjë-Hercegovinë, ku raporti mes pagave bruto në kryeqytet me pjesën tjetër të vendit llogaritet nga 15 – 18%.

Dallimi është më i vogël është në Talin, Rigë dhe Vilnius, ku punëmarrësit në kryeqytet fitojnë 7% më shumë se në vendet e tjera.

Burimi: monitor.al

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0